5 sáýirden bastap ýyldyryq shashý naýqanyna oraı balyq aýlaýǵa tyıym salynady
Bul týraly Іshki mınıstrliginiń ókili Shuǵyla Turlybek vedomstvonyń onlaın brıfıngisinde aıtty.
«Ekologııa jáne tabıǵı resýrstar mınıstrligi balyq jáne basqa da sý janýarlarynyń bıoalýandyǵyn saqtaý úshin el aýmaǵynda 5 sáýir men 5 maýsym aralyǵynda «ýyldyryq shashý» aktsııasyn ótkizedi. Vedomstvo ár óńirdegi erekshelikterdi eskere otyryp balyq aýlaýǵa tyıym salý merzimin engizdi», - dedi ol.
Shuǵyla Turlybek atalmysh aktsııa talaptaryn buzǵandarǵa qandaı shara qoldanylatynyn da aıtty.
«Osy kezeńde múddeli memlekettik organdardyń qyzmetkerleri balyq aýlaýǵa tyıym salýǵa, balyq jáne balyq ónimderin zańsyz satyp alyp, ótkizýdiń, tasymaldaýdyń faktilerin anyqtap, jolyn kesýge basty nazar aýdarady. Osy tyıymdy buzǵany úshin zańnamada ákimshilik kodekstiń 383-baby boıynsha 10 AEK-ten 40 AEK-ke deıin aıyppul túrindegi ákimshilik jaýapkershilik jáne 3 jylǵa deıin bas bostandyǵynan aıyrý (Qylmystyq kodekstiń 335-baby boıynsha) qylmystyq jaýapkershilik kózdelgen», - dedi ІІM ókili.
