5 sáýirde elordada ótetin mańyzdy sharalar ańdatpasy
09.00-de Úkimet úıinde Úkimet otyrysy ótedi. Kún tártibinde:
- 2022-2026 jyldarǵa arnalǵan Qazaqstan Respýblıkasynyń áleýmettik-ekonomıkalyq damýynyń boljamyn jáne 2022-2024 jyldarǵa arnalǵan respýblıkalyq bıýdjetti naqtylaý;
- buqaralyq sportty damytý jáne salaýatty ómir saltyn qalyptastyrý.
Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarda onlaın rejımde kórsetiledi.
11.00-de QR Prezıdenti janyndaǵy Qazaqstan strategııalyq zertteýler ınstıtýtynyń uıymdastyrýymen «KISI GPS: Gylym. Pikir. Sayasat» Ulttyq saraptamalyq alańynyń ashylýy ótedi. Taqyryby – «Memleket basshysynyń saıası reformalary».
Іs-shara barysynda QR Prezıdenti Qasym-Jomart Toqaevtyń Saıası reformalar baǵdarlamasyn jan-jaqty talqylaý jáne tereńinen taldaý josparlanǵan. Talqylaý alańyna belgili saıasatkerler, saıası partııalardyń jetekshileri, sarapshylar qaýymdastyǵynyń ókilderi, qoǵam qaıratkerleri qatysady.
11.00-de QR Prezıdenti janyndaǵy «Ortalyq kommýnıkatsııalar qyzmeti» alańynda baspasóz máslıhaty ótedi. Taqyryby: «Indýstrııalyq jobalardy júzege asyrý týraly».
Spıkerler: QR Indýstrııa jáne ınfraqurylymdyq damý mınıstri Qaıyrbek Óskenbaev; QR ındýstrııa jáne ınfraqurylymdyq damý vıtse-mınıstri Marat Qarabaev; «QazIndustry» Qazaqstandyq ındýstrııa jáne eksport ortalyǵy» AQ basqarma tóraǵasy Berik Bekenov; «Ónerkásipti damytý qory» AQ Basqarma tóraǵasy Nurlan Baıbazarov.
Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
14.15-te «Atameken» Ulttyq kásipkerler palatasynda «Otandyq azyq-túlikti tutyný – keleshegi men kedergiler» taqyrybyndaǵy dóńgelek ústel otyrysynyń qorytyndysy boıynsha press-brıfıng uıymdastyrylady. Oǵan salanyń jetekshi sarapshylary qatysyp, tilshilerdiń suraqtaryna jaýap beredi.
15.00-de QR Ulttyq akademııalyq kitaphana ǵımaratynda brıtandyq jazýshy Nık Fıldıngtiń «Uly dala saıahatshylary: papa elshilerinen bastap, Reseı revolıýtsııasyna deıin» kitabynyń qazaq jáne orys tilindegi nusqalarynyń tusaýkeseri ótedi.
15.00-de Senatta «Otandyq aýylsharýashylyq tehnıka óndirisin damytý: qazirgi ahýal, túıitkilder jáne keleshegi» taqyrybynda dóńgelek ústel otyrysy ótedi.
