5 sáýir kúni Qazaqstanda ótetin mańyzdy sharalarǵa sholý

NUR-SULTAN

Saǵat 09.00-de «Jalpyǵa birdeı densaýlyq» uranymen ótkiziletin Dúnıejúzilik densaýlyq kúni aıasynda QR Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń bastamasy boıynsha, Nur-Sultan qalasynyń №10 mektep-gımnazııasynda Densaýlyq saqtaý vıtse-mınıstri Qamaljan Nadyrovtyń, Qazaqstandaǵy DDSU ókili Oleg Chestnovtyń, belgili sportshylar men ánshilerdiń, mektep oqýshylary jáne oqytýshylarynyń qatysýymen jappaı jattyǵý ótkiziledi.

Saǵat 09.15-te Dúnıejúzilik densaýlyq kúni aıasynda Astana qalasy Qoǵamdyq densaýlyq saqtaý departamentiniń qyzmetkerleri úshin fıtnes-jattyqtyrýshy Andreı Kravchenkonyń qatysýymen dene shynyqtyrý jattyǵýy ótedi.

Saǵat 09.30-da The Ritz-Carlton qonaq úıinde jyl saıynǵy Huawei Day Kazakhstan konferentsııasy ótkiziledi.

Saǵat 10-00-de Táýelsizdik Saraıynda ÚEU Aýtızm boıynsha Birinshi Respýblıkalyq Forýmdy uıymdastyrady.

Saǵat 10.30-da Qazaqstan Respýblıkasy Іshki ister mınıstrligi Tótenshe jaǵdaılar komıtetinde (Astana qalasy, Máńgilik El kóshesi, 8, Mınıstrlikter úıi, 2-kireberis) «Elimizdegi sý tasqyny jaǵdaıy men TJ-nyń aldyn alý jáne olardy joıý boıynsha qabyldanyp jatqan sharalar týraly» taqyrybynda brıfıng ótedi.

Saǵat 11.00-de «Transport taýer» ǵımaratynda Geologtar kúni merekesine oraı geologııa ardagerleri men mamandaryna saltanatty túrde qoshemet kórsetiledi.

Saǵat 11.30-da ekijaqty memorandýmǵa qol qoıýǵa arnalǵan «Astana balet - Astana týrızminiń jemisi» atty baspasóz konferentsııasy ótedi.

Saǵat 12.00-de L.N.Gýmılev atyndaǵy Eýrazııa ulttyq ýnıversıtetiniń halyqaralyq qatynastar fakýlteti «Shyǵys kóktemi» festıvalin ótkizedi.

Saǵat 12.20-da Ortalyq kommýnıkatsııalar qyzmeti alańynda Qazaq-qyrǵyz shekarasyndaǵy «Qarasý» ótkizý beketinde qalyptasqan jaǵdaıǵa baılanysty baspasóz konferentsııasy ótedi.

Saǵat 15.00-de S.Seıfýllın atyndaǵy Qazaq agrotehnıkalyq ýnıversıtetinde Stýdenttik emhananyń ashylý saltanaty ótedi.

Saǵat 15.00-de Qazmedıada ata-analardyń jaýapkershiligine arnalǵan dóńgelek ústel uıymdastyrylady.

Saǵat 15.00-de AQSh elshiliginde AQSh-tyń Qazaqstan Respýblıkasyndaǵy elshisi Ýılıam Mozerdiń dıplomatııalyq qyzmetine kirisýine arnalǵan jýrnalısterge arnalǵan dóńgelek ústel uıymdastyrylyp, eki el arasyndaǵy yntymaqtastyqtyń keleshegi talqylanady.

Saǵat 16.00-de QR Ádilet mınıstri Marat Beketaevtyń tóraǵalyq etýimen jáne memlekettik organdardyń, úkimettik emes sektordyń jáne bıznes-qoǵamdastyqtyń qatysýymen Zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótedi.

Saǵat 16.00-de Qazaq ulttyq óner ýnıversıtetiniń organ zalynda «Jas daryndar» kontserti uıymdastyrylady.

Saǵat 16.20-da Ortalyq kommýnıkatsııalar qyzmeti alańynda «Qazaqstandyq kınonyń damýy» taqyrybynda baspasóz máslıhaty ótedi.

Saǵat 17.00-de «Astana Opera» teatrynda «PICCOLO» KAMERALYQ TEATRY jańa jobasynyń bastamasy bolǵan «Jibek saty» operasynyń premerasyna oraı baspasóz jıyny ótedi.

ALMATY

Saǵat 09.00-de Ál-Farabı atyndaǵy Qazaq ulttyq ýnıversıtetinde «Klınıkalyq medıtsınaǵa zerthanalyq dıagnostıka: dástúrler men ınnovatsııalar» atty 1-shi halyqaralyq kongres ótkiziledi.

Saǵat 10.00-de Almaly aýdandyq HQKO-da «Ádilet keńes beredi» respýblıkalyq aktsııasy ótedi.

Saǵat 10.00-de Dostyq úıinde «Jastar jyly men bizdiń zamanymyzdyń jahandyq máseleleri» atty jas ǵalymdardyń VI Halyqaralyq kongressiniń jalpy otyrysy ótedi.

Saǵat 11.00-de QR Ulttyq kitaphanasynda qoǵam qaıratkeri, dáriger, «Alash» qozǵalysynyń tanymal múshesi Asylbek Seıitovtiń 125 jyldyǵyna arnalǵan «Asylbek Seıitov - Tarıhta qalǵan iz»» atty kitaptyń tusaýkeseri ótedi.

Saǵat 16.00-de Á.Qasteev atyndaǵy Memlekettik óner murajaıynda «Múmkindikter palıtrasy» kórmesiniń ashylý saltanaty bolady.

Saǵat 17.30-da Joldasbekov atyndaǵy Stýdentter saraıynda II Jastar bıznes-forýmy ótkiziledi.

KÓKShETAÝ

Saǵat 10.00-de Sátbaev pen Áýelbekov kósheleriniń qıylysyndaǵy Sátbaevtyń keýdemúsininiń aldynda Qanysh Sátbaevtyń 125 jyldyǵyna arnalǵan saltanatty shara ótedi.

QYZYLORDA

Saǵat 9.00-de Qyzylorda qalasyndaǵy «Evrazııa» sport kesheninde halyqaralyq «Feerie Dance - 2019» baldyq bı týrnıri bastalady. Halyqaralyq týrnır 5-6 sáýir kúnderi ótedi dep josparlanǵan.