5 protsenttik ıpotekany alý úshin ne isteý kerek
Aıta ketken jón, Turǵyn úı qurylys jınaq bankiniń ıpotekasy «Nurly jer» baǵdarlamasy aıasynda beriledi. Baǵdarlama sharttaryna sáıkes, jergilikti atqarýshy organdar arzan turǵyn úılerdi merdigerlerdiń kómegimen salady. Al Turǵyn úı qurylys jınaq banki páterlerdi jeńildetilgen sharttarmen salymshylar arasynda taratady.
«Nurly jer» baǵdarlamasy boıynsha salynǵan turǵyn úıler 50/50 prıntsıpi boıynsha beriledi. ıAǵnı, páterdiń keminde 50 paıyzy ákimdik kezeginde turǵandarǵa berilse, al qalǵan 50 paıyzy atalǵan kezekte turmaǵan Turǵyn úı qurylys jınaq bankiniń basqa salymshylary arasynda bólinedi. Ákimdiktiń úı kezeginde turǵandar da memlekettik baǵdarlamaǵa qatysý úshin bank salymshysy bolýy tıis, ıaǵnı Turǵyn úı qurylys jınaq bankinde shot ashyp, qarajat jınaýlary kerek», - delingen holdıngtiń resmı jaýabynda.
Turǵyn úı qurylys jınaq bankinen jeńildetilgen ıpoteka alatyndarǵa naqty sharttar da qoıylady. Birinshiden, QR azamattyǵy nemese oralman statýsy bolýy qajet. Ekinshiden, respýblıka boıynsha sońǵy 5 jyl ishinde óz menshiginde turǵyn úıdiń bolmaýy shart. Ondaı talap úmitkermen birge onymen turatyn otbasy múshelerine de qatysty. Úshinshiden, sońǵy eki jyldyń turǵylyqty jeri boıynsha tirkeýdiń bolýy. Tórtinshiden, tólem qabiletin rastaý qajet.
«Memlekettik baǵdarlamaǵa qatysýshylar páterlerdi jyldyq 5 paıyz jeńildetilgen mólsherlememen alý úshin olardyń shotynda turǵyn úı baǵasynyń 20 paıyzyn quraıtyn mólsherde qarajat somasy bolýy kerek. Alǵashqy jarnany salymshy banktegi shotynda birtindep jınaýyna nemese qajetti qarajatty birden salýyna bolady. Zaıem 25 jylǵa deıingi merzimge beriledi (sondyqtan baǵdarlamany «5-20-25» dep te ataıdy). Máselen, aýdany 60 sharshy metrdi quraıtyn 8,4 mln.teńgelik eki bólmeli páter boıynsha aı saıyn orta eseppen 60 myń teńgeden tólep turý qajet», - deıdi holdıng mamandary.
Resmı málimetke sáıkes, «Nurly jer» baǵdarlamasyna qatysýshylardy qoldaý úshin Turǵyn úı qurylys jınaq banki salymshylaryna 5 jyldyń ishinde (2017- 2021 jj.) 120 mlrd. teńgeni bólý qarastyrylǵan. Atalǵan qarajat birneshe transh boıynsha jyl saıyn bólinip keledi. 2019-2021 jyldarǵa arnalǵan respýblıkalyq bıýdjet týraly zańnyń aıasynda 2019 jyly 28 mlrd. teńgeni bólinedi. Bul bıýdjettik nesıe. Ol Turǵyn úı qurylys jınaq bankine jyldyq 0,15 paıyzben 20 jylǵa beriledi. Bólingen qarajat 3 111 salymshyǵa óz baspana jaǵdaıyn jaqsartý úshin qoljetimdi zaemdar alýǵa múmkindik beredi. Jaqynda Úkimet atalǵan qajyny bólý týraly qaýlyny qabyldaǵan bolatyn. https://kaz.inform.kz/news/turgyn-uy-zhinak-banki-5-20-25-shartymen-ipoteka-beredi_a3499659 Sondaı-aq, ol qarjy qalǵan 15 jyl ishinde 3 ret aınalymǵa túsip, taǵy 6 myń salymshyǵa zaem berýdi qamtamasyz etedi.
Baǵdarlama iske qosylǵannan beri (2016 jyldyń sońy) Turǵyn úı qurylys jınaq banki búginde 69 mlrd. teńge kóleminde alynǵan qarajattyń esebinen (2016 j. - 22 mlrd.teńge, 2017 j. - 8 mlrd.teńge, 2018 j. - 39 mlrd teńge) 74,5 mlrd teńgege 9 057 zaem berdi. Bólingen qarajat (69 mlrd.teńge) pen berilgen nesıe somasy (74,5 mlrd teńge) arasyndaǵy aıyrmashylyq bólingen aqshanyń qaıta aınalymǵa túsý sebebinen paıda boldy.
Memlekettik baǵdarlama bastalǵannan beri Turǵyn úı qurylys jınaq banki arqyly jalpy somasy 107,4 mlrd.teńgeni quraıtyn 14 378 páter paıdalanýǵa berildi, sonyń ishinde 2018 jylda 64,9 mlrd.teńgeni quraıtyn 8 724 páter tapsyryldy.
