5 óńirdi qalyń tuman basady - Qazgıdromet

ASTANA. QazAqparat - Qazgıdromet 2 aqpanda birneshe óńirde aýa raıyna baılanysty eskertý jarııalady, dep habarlaıdy QazAqparat.

Aqtóbe oblysynyń shyǵysynda tuman túsedi. Shyǵystan jel soǵady túnde jeldiń ekpini 17 m/s jetedi.

Mańǵystaý oblysynyń batysynda, ońtústiginde, shyǵysynda tuman túsip, túnde oblystyń soltústiginde, shyǵysynda joldarda kóktaıǵaq bolady.

Batys Qazaqstan oblysynyń soltústik-batysynda, ortalyǵynda tuman bolady.

Qyzylorda oblysynyń ortalyǵynda tuman, kóktaıǵaq boljanady.

Almaty qalasyn da qalyń tuman basady.