5 óńirde bıýdjet qarajaty kóp ıgerilmeı qalǵan
NUR-SULTAN. QazAqparat – Jergilikti bıýdjetterdiń shyǵystary 4,5 trln teńgeni qurady. Bul týraly Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Qarjy mınıstri Erulan Jamaýbaev aıtty, dep habarlaıdy QazAqparat tilshisi.
«Jergilikti bıýdjetterdiń shyǵystary 4,5 trln teńgeni qurady. 58 mlrd teńge atqarylmaǵan. Aǵymdaǵy jyly óńirlerge 2,5 trln teńge somasynda nysanaly transfertter kózdelgen. Bıylǵy 1 tamyzdaǵy jaǵdaı boıynsha olarǵa 1 trln 160 mlrd teńge bólingen. Onyń 98,2%-i ıgerildi. Atqarylmaǵan – 21 mlrd teńge, onyń ishinde únemdeý – 3 mlrd teńge, ıgerilmegeni - 18 mlrd teńge», - dedi E. Jamaýbaev.
Eń kóp ıgerilmeý: Nur-Sultan qalasy, Qyzylorda, Shyǵys Qazaqstan, Batys Qazaqstan jáne Aqmola oblystarynda qalyptasty.
Budan buryn habarlanǵandaı, qaı mınıstrlikterde bıýdjettiń ıgerilmeýi oryn alǵany jarıalandy.
