5 óńirde áleýmettik kómir bıznes sýbektilerine satylǵan - Úkimet otyrysy
ASTANA. QazAqparat – Áleýmettik kómirdi bıznes sýbektilerine satý faktileri anyqtaldy. Bul týraly Úkimet otyrysynda Indýstrııa jáne ınfraqurylymdyq damý mınıstri Marat Qarabaev aıtty, dep habarlaıdy QazAqparat tilshisi.
«Ótken kezeńdegi tájirıbe kórsetkendeı, jylý maýsymy qyzǵan shaǵynda áleýmettik kómirdiń satý núktelerinen shetke ketý faktileri oryn aldy. Máselen, elimizdiń 5 óńirinde 400 myń tonnaǵa jýyq kómir shetke ketti. Ákimdikter tarapynan baqylaýdyń bolmaýyna baılanysty birqatar óńirlik operatorlar áleýmettik kómirdi maqsatsyz, ıaǵnı bıznes sýbektilerine sata bastady», - dedi Indýstrııa mınıstri.
Mınıstrdiń atap ótýinshe, aldaǵy jylytý kezeńinde kommýnaldyq-turmystyq kómirdiń jetispeýshiligin boldyrmaý maqsatynda kómir óndirýshi kásiporyndardy qospaǵanda, kómirdi avtokólikpen jáne temirjol kóligimen áketýdi shekteýge baǵyttalǵan aldyn alý sharalary qabyldanyp jatyr.
