5 óńir nysanaly transfertterdi ıegere almady
NUR-SULTAN. QazAqparat – Osy jyldyń 2 aıynda óńirler nysanaly transfertterdiń 6 mlrd teńgesin ıgere almady. Bul týraly búgin Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.
«Jergilikti bıýdjetterdiń shyǵystary 1 trln 138 mlrd teńgeni qurady. Atqarylmaǵany - 47 mlrd teńge. Osy jyly óńirlerge 2,6 trln teńge somasyna jýyq nysanaly transfertter kózdelgen. Olarǵa 1 naýryzǵa deıin 310 mlrd teńge bólingen. Onyń 96,8 paıyzy ıgerilgen», - dedi mınıstr.
Erulan Jamaýbaevtyń dereginshe, atqarylmaǵany – 10 mlrd teńge. Onyń ishinde 4 mlrd teńge únemdeý bolsa, al 6 mlrd teńge ıgerilmeı qalǵan.
«Eń kóp ıgerilmeý myna óńirlerde: Nur-Sultan jáne Almaty qalalarynda, Túrkistan, Atyraý jáne Batys Qazaqstan oblystarynda qalyptasty», - dedi ol.
