5 oblys talapkerleri «Serpin» grantymen Aqtóbe joǵary oqý oryndaryna tústi
AQTÓBE. QazAqparat - Qazaqstannyń bes oblysynan 100-den astam talapker «Serpin» áleýmettik jobasy aıasynda Aqtóbedegi joǵary oqý oryndaryna qabyldandy, dep habarlaıdy QazAqparat tilshisi.
Óńirlik kommýnıkatsııalar ortalyǵynda Q Jubanov atyndaǵy memlekettik ýnıversıtet prorektory Bıbigúl Ábenovanyń aıtýynsha, Qyzylorda, Jambyl, Ońtústik Qazaqstan, Almaty jáne Mańǵystaý oblystarynyń jastary «Serpin» jobasyna qatysyp otyr. Atalǵan oblystardan 134 abıtýrıent Aqtóbe oblysynda oqıdy, olarǵa stıpendııa, jataqhana beriledi, oqýy bitken soń Aqtóbe oblysynda jumysqa ornalasady.
«Byltyr oqýdy bitirgen jastardyń barlyǵy jumysbasty boldy, tek 10 qyz jas balasy bolǵandyqtan, ózderi qalaǵan jerge jumysqa turý týraly sheshim qabyldady. Biz olardyń barlyǵyn óńirde jumyspen qamtýǵa mindettimiz, osy baǵytta kóp jumys atqaryldy», - deıdi prorektor.
Ýnıversıtet ókili byltyr da osy joba boıynsha 134 stýdent oqyǵanyn jetkizdi. Olar pedagogıka salasynyń 14 baǵyty boıynsha bilim alǵan, al bıyl pedagogıkalyq mamandyqtardan tys, tehnıkalyq mamandyqtar da qoljetimdi.
