5 naýryz. Týǵan kún ıeleri
ESІMDER
153 jyl buryn (1866) Alash kósemi Álıhan Nurmuhameduly BÓKEIHAN dúnıege keldi.
Qazirgi Qaraǵandy oblysy, Aqtoǵaı aýdanynda (burynǵy Semeı oblysyndaǵy Qarqaraly ýeziniń Toqyraýyn bolysy) týǵan. Ákesi Nurmuhamed Álıhandy toǵyz jasynda moldaǵa oqýǵa berip, zerek óren keıin mektepte bilim alady. Budan soń Qarqaraly qalasynyń úsh jyldyq ýchılışesine túsip, úzdik bitirip shyǵady. Osylaısha, 16 jasynda Álıhan Ombynyń tehnıkalyq ýchılışesine túsedi. Jıyrma jasynda Dala general gýbernator keńsesiniń usynys haty men qazaq qaýymdastyǵynyń shákirtaqysyna ıe bolǵan ol Sankt-Peterbýrgtegi Orman sharýashylyǵy ınstıtýtyna túsken. Sabaqpen qatar, saıası, ádebı, ekonomıkalyq úıirmelerge atsalysyp, stýdenttik sherýlerge qatysqan.
Álıhan jas kezinen-aq qazaq qaýymynyń ózekti máselelerin jan-tánimen túısinip ósedi. Halqyna bilim men mádenıettiń aýadaı qajettigin jasynan uǵynǵan. Oqýdy bitire salysymen Ombyǵa kelip, qalanyń saıası-áleýmettik, qoǵamdyq jumystaryna belsene aralasady. «Narodnaıa svoboda» partııasyna ótip, qazaq zııalylary arasynda partııanyń shaǵyn tobyn qurady. Álıhan sol kezden bastap ózin saıası tulǵa retinde qalyptastyra bastaǵan.
Álıhan Bókeıhan men onyń senimdi serikteriniń bastamasymen «Qazaq» gazeti ashyldy, «Alash» partııasy, keıin Alash Úkimeti quryldy. Avtonomııa retinde kúsh-qýatyn bekite túsken el zııalylary Alash áskeri jasaqtaldy. Álıhan Bókeıhan mıllıondaǵan qazaqty «Alash» ıdeıasynyń tóńiregine toptastyra bilgen tulǵa. HH ǵasyrdyń basynan bastap Alashorda úkimeti taraǵanǵa deıin ol ult múddesi jolyndaǵy kúrestiń bel ortasynda júrdi.
1937 jyly 27 qyrkúıekte Álıhan Bókeıhan tutqyndalyp, bir aıdan keıin jalǵan jalamen 71 jasynda Máskeýde atý jazasyna kesiledi.
60 jyl buryn (1959) Qazaqstan Respýblıkasy Parlamenti Senatynyń Jambyl oblysynan saılanǵan depýtaty, Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Ábdáli Toqbergenuly NURALIEV dúnıege keldi.
Jambyl oblysynda týǵan. 1981 jyly Jambyl jeńil jáne tamaq ónerkásibi tehnologııalyq ınstıtýtyn «ınjener-mehanık» mamandyǵy boıynsha bitirgen.
Eńbek joly: Torǵaı oblysyndaǵy Jaqsyn elevatorynda sheber (1981); Jaqsyn elevatorynda mehanık (1982-1983); Torǵaı oblysyndaǵy Chelgashınskıı elevatorynyń bas ınjeneri (1987); Torǵaı oblysyndaǵy Derjavınskıı elevatorynyń dırektory (1987-1988); Torǵaı oblysyndaǵy Chelgashınskıı elevatorynyń dırektory (1988); Tselınograd oblysyndaǵy Krasnoznamenskıı elevatorynyń bas ınjeneri (1988-1989); Jýaly aýdany Býrnyı astyq qabyldaý pýnktiniń dırektory (1989-1996); «Altyn dán» Aktsıonerlik qoǵamynyń prezıdenti (1996-2001); Jambyl oblysy Jýaly aýdany ákiminiń orynbasary (2001-2003); Jambyl oblysy Baızaq aýdanynyń ákimi (2003-2007); Jambyl oblysy T.Rysqulov aýdanynyń ákimi (2007-2012); Jambyl oblysy aýyl sharýashylyǵy basqarmasynyń bastyǵy (2012-2015); Jambyl oblysy ákiminiń orynbasary (2015-2017).
Qazirgi laýazymyn 2017 jylǵy maýsymnan beri atqaryp keledi.
58 jyl buryn (1961) QR Parlamenti Májilisiniń VI shaqyrylym depýtaty, Qarjy jáne bıýdjet komıtetiniń múshesi Danııa Mádıqyzy ESPAEVA dúnıege kelgen.
Aqtóbe oblysynda týǵan. Almaty esep-nesıe tehnıkýmyn (1982); Qazaq memlekettik basqarý akademııasyn (1993) bitirgen, ekonomıst.
Eńbek joly: KSRO Memlekettik bankinde Aqtóbe oblystyq basqarmasy nesıe bóliminiń ekonomısi (1982-1986); aǵa ekonomısi (1986-1987); Ónerkásip-qurylys banki oblystyq basqarmasy aqsha aınalymy bóliminiń aǵa ekonomısi (1988-1991); «Turan» SO Aqtóbe fılıalynyń bas esepshisi (1992); «Turan» SO Aqtóbe fılıaly dırektorynyń orynbasary (1992-1995); Qazaqstan Álem Banki Aqtóbe oblystyq basqarmasynyń bas mamany, basqarma bastyǵynyń orynbasary, basqarma bastyǵynyń mindetin atqarýshy (1995-1997); «Turan Álem Banki» AQ dırektorynyń korporatıvtik bıznes jónindegi orynbasary (1998-2005); «Turan Álem Banki» AQ Aqtóbe oblystyq fılıalynyń dırektory (2006-2014); «Kazkommertsbank» AQ Aqtóbe fılıalynyń dırektory (2014-2016).
Qazirgi qyzmetin 2016 jylǵy naýryzdan beri atqaryp keledi.
«Qurmet» (2011) ordenimen; «QR táýelsizdigine 20 jyl», «Úzdik qarjyger» medaldarymen marapattalǵan.
53 jyl buryn (1966) QR Qorǵanys mınıstriniń orynbasary Talǵat Sábıtuly MUHTAROV dúnıege keldi.
Qaraǵandy oblysy Temirtaý qalasynda týǵan.
Eńbek ótili: QR Bas prokýratýrasy áskerı prokýratýra organdarynda qyzmet etken (1992-1994); QR UQK organdarynda - asa mańyzdy ister boıynsha aǵa tergeýshi, basqarma bastyǵynyń orynbasary, basqarma bastyǵy, Departament bastyǵynyń orynbasary (1997-2011); QR Qorǵanys mınıstrligi kadr departamentiniń bastyǵy (2011-2014).
Qazirgi qyzmetinde - 2014 jylǵy sáýirden beri.
II dárejeli «Dańq» ordenimen; «Jaýyngerlik erligi úshin» medalimen; 15 vedomstvolyq, mereıtoılyq medalmen marapattalǵan.