5 naýryz kúni respýblıkanyń basym bóliginde jel kúsheıedi
ASTANA. QazAqparat - 5 naýryz kúni respýblıkanyń batys jáne soltústik-shyǵys bóliginde atmosferalyq frontaldy bólikterdiń ótýine baılanysty keı jerlerde jaýyn-shashyn jaýyp, kóktaıǵaq, tuman, jaıaý burqasynmen jeldiń kúsheııýi kútiledi. Respýblıkanyń qalǵan aımaqtarynda aýa raıy jaýyn-shashynsyz bolady. Bul týraly Qazgıdromet habarlady.
Pavlodar, Shyǵys Qazaqstan, Batys Qazaqstan, Atyraý, Mańǵystaý,Qyzylorda oblystarynyń keı jerlerinde tuman bolady. Qaraǵandy, Aqmola, Jambyl oblystarynyń keı jerlerinde tuman, jeldiń 15-20 m/s kúsheıýi kútiledi. Qostanaı oblysynyń keı jerlerinde tuman, kóktaıǵaq bolady. Soltústik Qazaqstan oblysynyń keı jerlerinde tuman, kóktaıǵaq bolyp, burqasynmen soqqan jel 15-20 m/s kúsheıedi. Almaty oblysy Jalańashkól aýdanynda jeldiń kúshi 18-23, ekpini 28 m/s bolady.
