5 naýryzda telearnalar men radıo habar taratý ýaqytsha toqtatylady
ASTANA. KAZINFORM – Qazaqstanda telearnalar men radıostantsııalar habar taratýyn ýaqytsha toqtatady. Bul josparly profılaktıkalyq jumystar júrgizýge baılanysty. Bul týraly ulttyq operator «Qazteleradıo» habarlady.
«Qazteleradıo» AQ teleradıo habarlaryn taratýdyń úzdiksiz ári sapaly bolýyn qamtamasyz etý maqsatynda toqsan saıyn jerseriktik, tsıfrlyq jáne analogty efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi.
- 2025 jyldyń 5 naýryz aıynda saǵat 03:00 men 17:00 aralyǵynda jerseriktik, tsıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi. Osyǵan baılanysty, ıaǵnı jumystar júrgizilgen kezde Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady. Ýaqytsha qolaısyzdyqtar úshin keshirim ótinemiz, - delingen «Qazteleradıo» habarlamasynda.
Aıta ketelik «Qazteleradıoǵa» jańa basshy kelgen edi.