5 naýryz. Jylnama
Kazinform oqyrman nazaryna 5 naýryzǵa arnalǵan ataýly kúnder men este qalar oqıǵalar kúntizbesin usynady.
ESTE QALAR OQIǴALAR
1996 jyly Aqmola oblystyq qazaq mýzykalyq-drama teatry «Aqan seri-Aqtoqty» pesasynyń (rejısser J. Omarov) qoıylymymen ashyldy. Sol jyly teatrǵa Sh. Qusaıynovtyń esimi berildi. Teatrdyń alǵashqy kórkemdik jetekshisi, bas dırektory - M.Ospanov.
2010 jyly Japonııanyń ǵylymı-tehnologııalar ortalyǵy bolyp esepteletin Hokkaıdo aralynda ornalasqan Sapporo qalasynda Qazaqstan Respýblıkasy Qurmetti konsýldyǵynyń saltanatty ashylý rásimi ótti.
2010 jyly Brıýsselde QR Elshiligi men Eýropalyq halyqaralyq qatynastar ınstıtýty «Qazaqstannyń EQYU-ǵa tóraǵalyǵy» taqyrybynda konferentsııa ótkizdi.
2011 jyly Astanadaǵy Táýelsizdik saraıynda Qazaqstan áıelderiniń sezi ótti. Sezdi QR Prezıdenti janyndaǵy áıelder isi jáne otbasylyq-demografııa saıasaty Ulttyq komıssııasy uıymdastyrdy.
2012 jyly Astanada Ulttyq ana men bala ǵylymı ortalyǵy Birikken halyqaralyq komıssııa (aǵyl. Joint Commission International, qysqasha JCI) resmı tujyrymyn aldy. Bul postkeńestik keńistikte osyndaı mártebeli dárejege jetken alǵashqy klınıka. Álemde JCI akkredıtatsııasynan ótken 300-ge jýyq medıtsınalyq mekeme bar.
2012 jyly Shveıtsarııanyń Jeneva qalasynda Qazaqstan Respýblıkasynyń Dúnıejúzilik saýda uıymyna (DSU) kirýi boıynsha kelissózder ótti.2013 jyly Qazaqstan men Jetisý óńiriniń tanymal jerlerin kórýge múmkindik beretin biregeı týrıstik marshrýt ashyldy.
2013 jyly «Jetisýdyń Altyn saqınasy» biregeı týrıstik baǵyty ashyldy. Qazaqstannyń jáne Almaty oblysynyń barlyq tanymal týrıstik kórikti jerlerin – Ánshi barqan, «Altyn Emel» ulttyq tabıǵı parkindegi Aqtaý jáne Qatýtaý taýlary, Sharyn shatqaly, Kólsaı kólderi jáne qaıtalanbas ásem Qaıyńdy kólin tamashalaýǵa arnalǵan eń jaqsy týr.
2014 jyly qazaqstandyq paralımpıadashylar Reseıdiń Sochı qalasynda ótken «Qysqy Paralımpıada - 2014» oıyndaryna elimizdiń sport tarıhynda alǵash ret alty joldama jeńip aldy.
2018 jyly Bishkek qalasynda ótken gremplıngten Azııa Chempıonatynda Qazaqstan Respýblıkasynyń quramasy 30-dan astam medal (12 altyn, 12 kúmis jáne 9 qola) enshilep, jalpy esepte birinshi oryn aldy. Chempıonat alǵash ret Olımpıada erejeleri boıynsha (grek-rım kúresi jáne erkin kúres) ótken.
2020 jyly Halyqaralyq áıelder ekonomıkalyq forýmy (ÁEF) aıasynda tanymal qazaqstandyq jýrnalıst jáne fılm prodıýseri Aqmaral Batalova «Erekshe artyqshylyǵy bar áıel» nomınatsııasynda marapatqa usynyldy.Jýrnalıst bul marapatqa Sırııa Arab Respýblıkasyndaǵy gýmanıtarlyq daǵdarysty obektıvti túrde kórsetkeni jáne Qazaqstannyń halyqaralyq arenada bitimgershilik rólin tanymal etkeni úshin ıe boldy.
2022 jyly Halyqaralyq Túrki mádenıeti men murasy qory túrki halyqtarynyń san ǵasyrlyq mádenıeti men tarıhyn dáripteý maqsatynda «Úsh Ozan birge» (ozan – aqyn-ánshi) jańa jobasy aıasynda túrki áleminiń úsh aqyny – Júnis Ámire, Ashyq Alesker jáne Jambyl Jabaevtyń mereıtoıyna baılanysty poshta markalaryn shyǵardy.Markalar dızaınyn ázerbaıjandyq sýretshi Orhan Garaev jasaǵan, onda aqyndardyń portretteri beınelengen.
2023 jyly Las-Vegasta (AQSh) UFC 285 aralas jekpe-jek týrnıri aıasynda Shavkat Rahmonov pen Djeff Nıl arasynda jartylaı orta salmaqtaǵy jekpe-jek ótti, onda sáttilik Nomad jaǵynda boldy, ol mansapta 17 merziminen buryn jeńiske jetti.
Shavkat Rahmonov úshinshi raýndta qarsylasyn tunshyqtyryp jeńdi. Qazaqstandyq faıter óziniń kásibı mansabynda on jetinshi jeńiske jetti.
2024 jyly Qasym-Jomart Toqaev «Aıqyn» jáne «Lıter» gazetteriniń ujymyn aıtýly data – alǵashqy sanynyń shyqqanyna 20 jyl tolýymen quttyqtady. Salystyrmaly túrde qysqa merzim ishinde basylym ózindik erekshe stılin qalyptastyryp, qalyń oqyrmannyń laıyqty baǵasyn aldy. Maǵynaly basylymdar men qyzyqty jobalar arqyly gazet elde bolyp jatqan oqıǵalardy azamattarǵa jetkizip qana qoımaı, qoǵamdaǵy ózekti máselelerdi de kóterip keledi. «Lıter» gazetiniń ujymyna arnaǵan quttyqtaýynda Toqaev gazettiń reseılik jýrnalıstıkanyń úzdik dástúrlerin saqtaı otyryp, qarqyndy damýyn jalǵastyratynyna senim bildirdi. Memleket basshysy basylym ujymyna baq-bereke, tabys jáne shyǵarmashylyq uzaq ǵumyr tiledi.
2024 jyly Májilis tóraǵasy Erlan Qoshanov Reseı Federatsııasyna resmı sapary aıasynda Qazan qalasynda bolyp, Tatarstan Respýblıkasynyń Raısy Rýstam Mınnıhanovpen jáne Tatarstan Memlekettik keńesiniń tóraǵasy Farıd Mýhametshınmen kezdesti. Kezdesýde óńiraralyq yntymaqtastyq, joǵary tehnologııalar salasyndaǵy yntymaqtastyqty keńeıtý jáne t.b. máseleler talqylandy. Kezdesý sońynda Tatarstannyń Raısy Qazaqstan basshylyǵynyń Besinshi Dúnıejúzilik kóshpendiler oıyndaryna shaqyrýyn rızashylyqpen qabyldady.