5 myńnan astam oqýshy PISA, TIMSS zertteýlerine qatysady
ASTANA. QazAqparat - 5 myńnan astam oqýshy PISA , TIMSS zertteýlerine qatysady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstrligi Mektepke deıingi jáne orta bilim departamentiniń dırektory Jańyl Jontaeva málim etti.
«2014-2015 oqý jylynda, kelesi jyldyń sáýir aıynda bizdiń 5 myńnan astam oqýshymyz PISA , TIMSS zertteýlerine qatysady. Bul halyqaralyq zertteý. Ol arqyly balalarymyzdyń bilim deńgeıi anyqtalady. PISA zertteýimen 15 jastaǵy, al TIMSS zertteýimen 4-8 synyp oqýshylary qamtylady», - dedi departament basshysy.
Onyń atap ótýinshe, atalǵan zertteýlerdiń júrgizilýine oraı elimizdiń Bilim jáne ǵylym mınıstrligi 4 ttamyzdan bastap 10700 pedagogtyń bilimin kóterý sharalaryn qolǵa alǵan.
«Ustazdardyń bilimin kóterý sáýir aıyndaǵy balalarymyz qatysatyn PISA zertteýinde óz nátıjesin beredi dep kútemiz», - dedi ol.
J.Jontaevanyń sózine qaraǵanda, búginde elimizde 294 myń ustaz bar. Onyń 16 myńnan astamy keler jyly úsh deńgeıli, al 47 myńǵa jýyǵy qysqa merzimdi kýrs arqyly bilimderin kóteretin bolady.
