5 myńǵa jýyq qazaqstandyq oqýshynyń oqý saýattylyǵyn zertteý aıaqtaldy
ASTANA. QazAqparat - «Aqparattyq-taldaý ortalyǵy» AQ Qazaqstandaǵy PIRLS -2016 (Rrogress in international reading literacy study) halyqaralyq zertteýin ótkizýdi aıaqtady.
«Elimizdiń 172 mektebiniń 4 944 tórtinshi synyp oqýshylary biregeı tapsyrmalardy oryndap, bastaýysh synyp oqýshylarynyń oqý saýattylyq deńgeıin anyqtaıtyn suraqtarǵa jaýap berdi. Saýalnamaǵa tórtinshi synyp oqýshylarynyń ata-analary, synyp jetekshileri men mektep dırektorlary qatysty. Zertteýge belsendi qatysqan bizdiń oqýshylar men olardyń ata-analaryna úlken alǵysymyzdy bildiremiz», - dep habarlady atalǵan ortalyqtan.
PIRLS-2016 halyqaralyq zertteýiniń barlyq materıaldary Halyqaralyq konsortsıýmǵa joldanady. Berilgen zertteýge qatysýshy memleketterdiń nátıjeleri 2017 jyldyń jeltoqsan aıynda IEA-men usynylady.
Budan buryn habarlanǵandaı, atalmysh zertteýge álemniń 250 000 bastaýysh synyp oqýshylary qatysady. Barlyq elder úshin biryńǵaı testileý ýaqyty belgilengen, ıaǵnı, testileý 80 mınýt 10 mınýttyq úzilispen júrgiziledi. Árbir qatysýshyǵa eki túrli mátin usynylady. Ádebı mátin - bul qyzyqty oqıǵa nemese ertegi retinde usynylady, al ekinshisi - ǵylymı-aqparattyq baǵyttaǵy mátinder bolady. Onda janýarlar týraly áńgimeler qamtylmaq.
Oqý saýattylyǵy nátıjesi eki pozıtsııa boıynsha baǵalanady - ádebı oqý tájirıbesi jáne aqparatty ıgerýi men paıdalana bilýi.
PIRLS zertteýiniń úılestirýshisi bolyp tabylatyn Oqý jetistikterin baǵalaý jónindegi halyqaralyq qaýymdastyq (IEA) bastaýysh synyp oqýshylarynyń oqý saýattylyǵy deńgeıine áser etetin syrtqy faktorlardyń dárejesi boıynsha taldaýyn usynady. Zertteý 2016 jylǵy 4-30 sáýir aralyǵynda júrgizildi. Zertteý bes jylda bir ret ótkiziledi.
