5 myń qazaqstandyq abıtýrıent «Bolashaqpen» shetelde oqyǵysy keledi

ASTANA. QazAqparat - Bes myńnan astam qazaqstandyq abıtýrıent «Bolashaq» stıpendııasymen sheteldik JOO-da oqý úshin ótinim bergen, dep habarlaıdy QazAqparat «Halyqaralyq baǵdarlamalar ortalyǵy» AQ baspasóz qyzmetine silteme jasap.

«Sheteldik oqý oryndarynda oqý boıynsha stıpendııalyq baǵdarlamaǵa qujat qabyldaý nátıjesinde, 5 myńnan astam abıtýrıenttiń ótinimi tústi, onyń úsh myńnan astamy Reseıde oqyǵysy keledi», - delingen habarlamada.

Ortalyqtyń habarlaýynsha, shetelde oqyǵysy keletin mektep túlekteriniń sany jyldan-jylǵa artyp keledi. Bıyl 297 myń túlek ótinim bergen. Bul kórsetkish ótken jylmen salystyrǵanda 20 myńǵa kóp. 2025 jylǵa qaraı olardyń sany 400 myńǵa jetedi dep kútilýde.

«Qazaqstan azamattaryn sapaly sheteldik bilimmen qamtamasyz etý úshin Ortalyq bilim granttaryn kóbeıtý boıynsha jumys istep jatyr. Nátıjesinde bıyl Qazaqstan azamattary úshin seriktes elder 10 myń stıpendııa bólgen. Grant bólgen memleketter arasynda Majarstan, Polsha, Qytaı, Reseı, Tájikstan jáne ózge de elder bar», - dep atap ótti kompanııa.

Mamyr aıynda Shymkent ákimdiginiń ótinimimen reseılik JOO-lardyń ókilderi qala turǵyndary arasynda qabyldaý synaǵyn ótkizdi.