5 mln. jyl buryn tirshilik etken alyp kıttiń tisi Avstralııa jaǵalaýyna shyǵyp qaldy
ASTANA. QazAqparat - Avstralııalyq Melbýrn qalasynyń turǵyny jaǵajaıda serýendep júrip kıttiń alyp tisin taýyp aldy. Ǵylymı qyzmetkerlerden alynǵan derekterge sáıkes, bul artefaktke shamamen bes mıllıon jyl bolǵan. Ǵalymdardyń boljaýynsha, bul sútqorektiniń uzyndyǵy 18-20 metrge jetýi, al salmaǵy 40 tonnany quraýy múmkin.
Boljam boıynsha, mundaı kıtter buryn Amerıka jaǵalaýlarynda meken etken, al olardyń tisteriniń ólshemi tırannozavrlerdikine qaraǵanda áldeqaıda úlken bolǵan.
Atap ótý kerek, osyǵan deıin turǵyndar Melbýrn mańynan kóne haıýanattardyń súıekterin tapqan. Alaıda ǵalymdar olardyń qandaı tirshilik ıesi ekendigin tap basyp aıtyp bere almady.
