5 mln teńge talap etken: Jambyl oblysynda turǵyndy bopsalaǵan kúdikti ustaldy
TARAZ. KAZINFORM — Jambyl oblysynda turǵynnan 5 mıllıon teńge bopsalaǵan kúdikti ustaldy, dep habarlaıdy Polisia.kz.
Jambyl oblysy polıtsııa departamentine Taraz qalasynyń turǵyny ózin áldekimniń bopsalaǵanyn aıtyp, aryzdanǵan.
Jábirlenýshiniń aıtýynsha, kúdikti onyń ar-namysyna, qadir-qasıetine jáne iskerlik bedeline nuqsan keltiretin málimetterdi áleýmettik jelilerde taratamyn dep qorqytyp, jarııalamaý úshin 5 mıllıon teńge talap etken.
— Atalǵan derek boıynsha polıtsııa qyzmetkerleri jedel túrde sotqa deıingi tergep-tekserýdi bastady. Jedel is-sharalar nátıjesinde kúdikti aryzdanýshyǵa qysym kórsetýdi toqtatý jáne buǵan deıin áleýmettik jelilerde jarııalanǵan jaǵymsyz pikirlerdi óshirý úshin alynǵan aqshany berý kezindegi qylmys ústinde ustaldy, — delingen aqparatta.
Osyǵan deıin Tarazda alaıaqtarǵa kómek kórsetken kúdiktiler qolǵa túsken bolatyn.
