5 mln teńge para alǵan: Almatydaǵy juqpaly aýrýlar ortalyǵynyń basshysy qamaýǵa alyndy

ALMATY. KAZINFORM – Almaty qalasy boıynsha Sybaılas jemqorlyqqa qarsy qyzmeti Qazaq dermatologııa jáne juqpaly aýrýlar ǵylymı ortalyǵynyń basshysy men onyń orynbasaryna qatysty sotqa deıingi tergeý júrgizýde.

«Olar medıtsınalyq qyzmetkerlerdiń biliktiligin arttyrý boıynsha qyzmetter kórsetýge shart jasasqany úshin halyqaralyq joǵary oqý ornynan keıingi bilim berý ınstıtýtynyń basshysynan 5 mln teńge somasynda para alý boıynsha kúdikke ilindi.

Sottyń sanktsııasymen ortalyqtyń basshysy qamaýǵa alyndy», — dep jazdy Antıkordan.

Tergeý jalǵasýda.

Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.