5 mln astam adam avtokólikti smartfon arqyly qaıta tirkegen

ASTANA. QazAqparat – 5 mıllıonnan astam qazaqstandyq avtomobılderdi onlaın qaıta tirkeý qyzmetin paıdalandy, dep habarlaıdy QazAqparat.

QR ІІM onlaın-qyzmetteri smartfonda iske qosylǵan sátten bastap olardy 7 mln astam azamat, onyń ishinde 5,3 mln avtokólik satyp alýshylar men satýshylar paıdalanǵan.

«Jyl saıyn avtokólikti satyp alý-satýdy rásimdeý jáne qaıta tirkeý úshin Halyqqa qyzmet kórsetý ortalyqtaryna shamamen 6 mln adam keledi. Árıne HQKO-ǵa barý, kezek kútý, kólik satýshysymen esep aıyrysý úshin úlken somany alyp júrý qolaısyzdyqtar týǵyzady. Osyǵan baılanysty mınıstrlik halyqqa yńǵaıly bolý úshin «Kaspi», «Halyk» jáne «Freedom» bankteriniń mobıldik qosymshalarynda avtokólikterdi onlaın-qaıta tirkeý boıynsha servısti iske qosty», - dedi QR ІІM baspasóz qyzmetiniń ókili Shuǵyla Turlybek mınıstrliktiń brıfınginde.

Bul servıs satýshy men satyp alýshyǵa avtokólikke salyqtar men aıyppuldardy tekserý men tóleýden bastap, memlekettik nómirdi, onyń ishinde «ádemi» nómirdi, HQKO-ny tańdaýǵa deıingi qyzmetterdiń tutas tsıklyn usynady.

Qazirgi ýaqytta ІІM osy qyzmetti «Centersredit», «Eurasian Bank», «Bereke Bank» jáne «ForteBank» mobıldik qosymshalaryna shyǵarý boıynsha jumys júrgizip jatyr.

Sonymen qatar, vedomstvo onlaın-servıster arqyly avtokólikti bastapqy tirkeýdi iske qosýdy josparlap otyr.