«5 mınýt» kámpıt urlaǵan kelinshekti sotqa berdi
ASTANA. QazAqparat - Atalǵan oqıǵa ótken jyldyń qarasha aıynda boldy. Búgin Astana qalasynyń Esil aýdandyq soty osy iske qatysty úkim shyǵardy, dep xabarlaıdy QazAqparat tilshisi.
Sot materıaldaryna sáıkes, D. esimdi kelinshek "5 mınýt" sýpermarketinen 17 birdeı kámpıt qorabyn urlamaqshy bolǵan. Alaıda kúzet qyzmeti ony qolǵa túsirdi.
"Astana qalasynyń Esil aýdandyq №2 sotynyń úkimimen D. QR Qylmystyq kodeksiniń 24-baby, 3-188 tarmaǵy boıynsha kináli dep tanylyp, bas bostandyǵyn bir jylǵa shekteý jazasyna kesildi. Sot úkimi kúshine endi", - delingen sottyń resmı xabarlamasynda.
