5 myńnan astam kolledj oqytýshysy biliktiligin arttyrdy
ASTANA. KAZINFORM — Elimizde kolledj basshylary men pedagogterine arnalǵan keń aýqymdy biliktilikti arttyrý kýrstary ótti, dep habarlaıdy Oqý-aǵartý mınıstrliginiń baspasóz qyzmetine silteme jasap.
Bıyl bul baǵdarlama 5 000-nan astam mamandy qamtyp, tehnıkalyq jáne kásiptik bilim berý júıesine jańa serpin berdi.
— Baǵdarlamanyń basty ereksheligi ekonomıkanyń naqty sektorlaryna baǵyttalǵan beıindik oqytý boldy. Qatysýshylar temirjol jáne avtokólik, qurylys, energetıka, mashına jasaý, taý-ken isi, munaı-gaz, IT, dánekerleý, tigin óndirisi, qoǵamdyq tamaqtandyrý, aýyl sharýashylyǵyn mehanıkalandyrý jáne veterınarııa sııaqty 13 strategııalyq baǵyt boıynsha bilimderin jetildirdi, — delingen habarlamada.
Bul bastama tek oqytý ǵana emes, búkil tehnıkalyq jáne kásiptik bilim berý júıesin zamanaýı tehnologııalyq talaptarmen úılestirýge baǵyttalǵan mańyzdy qadam boldy.
Sarapshylardyń aıtýynsha, pedagogterdiń kásibı deńgeıin kóterý bolashaq mamandardyń sapasyn arttyrýdyń negizgi faktory sanalady.
Osydan buryn APEC PetroTechnic joǵary kolledji bazasynda AI Lab+ jasandy ıntellekt zerthanasy iske qosylǵanyn jazdyq.
