5 mıllıon teńgeden asa boryshy bar alımentten jaltarǵan Shahtınsk turǵyny ákimshilik qamaýǵa alyndy

ASTANA. KAZINFORM – Shahtınsk qalasy prokýrorynyń qaýlysynyń negizinde sot qaskóı boryshkerdi alıment tólemegeni úshin ákimshilik qamaýǵa aldy. Bul týraly Qaraǵandy oblysynyń prokýratýrasy málim etti. 

«Prokýrorlar kámeletke tolmaǵan balanyń ákesi turaqty tabysy bola tura, uzaq ýaqyt boıy alıment tóleýden jaltarǵanyn anyqtady. Qazirgi ýaqytta onyń qaryzy 5 mıllıon teńgeden asady. Sot oryndaýshysy boryshkerdi habardar etý, shottary men múlkine tyıym salý, sondaı-aq óz mindettemelerin oryndamaǵany úshin jaýapkershilikti túsindirý boıynsha barlyq qajetti sharalardy qabyldady», - delingen habarlamada.

Sot aktisi oryndaldy, boryshker qamaýǵa alýdyń belgilengen merzimin ótep jatyr. Boryshkerlerdi jaýapkershilikke tartý jumystary jalǵasady.