5 memlekette qazaq tilin úıretetin onlaın synyptar ashylmaq

NUR-SULTAN. QazAqparat - 5 memlekette qazaq tilin úıretetin onlaın synyptar ashylady. Bul týraly Aqparat jáne qoǵamdyq damý vıtse-mınıstri Marat Ázilhanovtyń «Otandastar Qory» KeAQ basshylyq quramymen kezdesýi barysynda málim boldy, dep habarlaıdy QazAqparat tilshisi.

Kezdesý barysynda Qordyń jumysy, jekelegen salalardyń ahýaly jáne bıylǵy jyldyń josparlary aıtyldy.

Sondaı-aq, qatysýshylar 5 memlekette (Reseı – Omsk q., Túrkııa – Ystanbul., Germanııa – Berlın q., Qyrǵyzstan – Bishkek q., Ózbekstan - Tashkent q.) ashylýy tıis mádenı-iskerli úıleri men shet elderdegi qandastarǵa arnalǵan qazaq tilin úırený onlaı synyptaryn ashý jobalaryn talqylady.

Qordyń vıtse-prezıdenti Maǵaýııa Sarbasov shet elderdegi qandastar qurǵan qoǵamdyq uıymdarmen birlesip jumys jasaýǵa arnalǵan Memorandýmdarǵa kelisý isi jalǵasyp jatqandyǵyn jetkizdi.

Búginde álemniń 25 memleketinde 62 memorandýmǵa qol qoıylǵan. Sondaı-aq, M. Sarbasov álemniń 12 elinde jalpy aýdıtorııasy 800 adamdy qamtıtyn 22 onlaın-synyptyń jumys jasap turǵandyǵyn aıtty.

Óz kezeginde, Marat Ázilhanov shet elderdegi mádenı-iskerlik úılerdi mazmundyq jaǵynan sapasyn kóterý men shet elderdegi qandastardy qazaq tiline úıretýge arnalǵan onlaın-synyptar sanyn arttyrýdy tapsyrdy.