5 maýsym kúngi UBT-da túlekterdiń eshqaısysy 125 ball jınaı almady
ASTANA. QazAqparat - Aǵymdaǵy jyldyń 5 maýsymda test tapsyrýǵa 9 346 túlek qatysty.
Test 32 pýnkt bazasynda tapsyryldy. Test tapsyrýshylardan 2 938 uıaly telefon, 2 574 shpargalka, 187 kalkýlıator, 16 fotoapparat, 7 ratsııa, 2 fleshka, 1 qol skaneri alyndy.
Tórtinshi kúnniń qorytyndysy boıynsha, eń joǵary 125 balldy jınaǵan túlek bolǵan joq.
Al 1 404 (15%) bitirýshi 100-den astam ball jınaǵan. Salystyra ketsek, 2013 jyly mundaı nátıjege 1 389 (13,4%) túlek qol jetkizgen bolatyn.
Orta eseppen alǵanda tórtinshi kúngi UBT bally 78,2-ni quraǵan (2013 jyly - 74,7 ball).
Eń tómengi kórsetkish - 50 balldy 1 888 (20,2%) túlek jınaı almaǵan. 2013 jyly bul kórsetkish 3 074 (29,8%) bolǵan, dep habarlaıdy QR BǴM baspasóz qyzmetinen.
