5 mamyrda Qazaqstan aýmaǵyn antıtsıklon basady - aýa raıy boljamy
ASTANA. 4 mamyr. QazAqparat - 5 mamyrda Qazaqstan aýmaǵynyń basym bóliginde antıtsıklonnyń áserimen kún ashyq bolýy kútiledi, dep habarlady TJM baspasóz qyzmeti Qazgıdrometke silteme jasap.
Respýblıkanyń soltústik jáne shyǵys bóligi ǵana atmosferalyq aǵyndar yqpalynda bolyp, aýa raıynyń turaqsyz sıpaty saqtalady, jańbyr jaýady, jel kúsheıedi, naızaǵaı oınaýy kútiledi.
Aqmola, Pavlodar, kúndiz Ońtústik Qazaqstan oblystarynda keı jerlerde jeldiń kúshi 15-20 m/s-ke jetedi.
Qostanaı oblysynda túnde jáne tańerteń keı jerlerde tuman túsedi, kúndiz jeldiń ekpini 15-20 m/s-ke deıin kúsheıýi kútiledi. Soltústik Qazaqstan oblysynda keı jerlerde naızaǵaı oınap, burshaq jaýýy múmkin, jeldiń kúshi 15-20 m/s, túnde jáne tańerteń tuman túsedi.
Qaraǵandy, Shyǵys Qazaqstan oblystarynda kúndiz keı jerlerde naızaǵaı oınap, jeldiń ekpini 15-20 m/s-ke deıin kúsheıedi.
Taıaýdaǵy eki táýlikte Almaty oblysynyń taý betkeılerindegi ózenderinde jańbyrly bolýyna baılanysty keıbir ózenderde aǵyn ulǵaıyp, sý tasqyny bolýy kútilýde. Respýblıkanyń ońtústigindegi jáne shyǵysyndaǵy ózenderde sý deńgeıi qubylady. Atyraý oblysynyń sheginde Jaıyq ózeninde, Esil ózeniniń Reseımen shekaralas bóliginde kóktemgi sý tasqynynyń odan ári óristeýi jalǵasady.
Eske sala keteıik, buǵan deıin Almaty oblysynda sý tasqyny bolatyny eskertilgen bolatyn.
