5 mamyrda Golovkınge kimder qarsylas bola alady

ASTANA. QazAqparat - WBA Super, WBC, IBF jáne IBO tujyrymdary boıynsha orta salmaqtaǵy álem chempıony Gennadıı Golovkınniń (37-0-1, 33 KO) 5 mamyrda aıqasatyn qarsylasy áli belgisiz, dep habarlaıdy Sports.kz.

Irlandyq Gerı O'Sallıvan (27-2, 19 KO) potentsıaldy úmitker dep eseptelgen edi, alaıda bul aıqastyń bolmaıtyny belgili boldy: «Spaıktyń» qyzyǵýshylyǵyn usynatyn Golden Boy Promotions promoýterlik kompanııasy gonorar men jekpe-jekke deıin ýaqyttyń az bolýyna baılanysty bas tartqan.

Qazirgi tańda úsh úmitker bar. Birinshi - IBF jelisi boıynsha mindetti úmitker Sergeı Derevıanchenko (12-0, 10 KO). Ekinshi úmitker - Vanes Martırosıan (36-3-1, 21 KO), ol Golovkınmen judyryqtasýǵa daıyn, biraq bul jekpe-jekti IBF qalamaıdy. Basqa da boks uıymdary men Kalıfornııa shtatynyń Atletıkalyq komıssııasy (aıqas Karsonda, StubHub  arenasynda ótýi múmkin) Martırosıannyń úmitkerligin maquldady. Úshinshi úmitker - brazılııalyq ıAmagýchı Falkao (15-0, 7 KO), onyń da isin Golden Boy júrgizip jatyr, bul nusqany O'Sallıvannyń ornyna usynǵan bolatyn. 

5 mamyr kúni aıqas múldem bolmaýy múmkin degen nusqany da joqqa shyǵarmaý kerek. Alaıda, Golovkın taıaýda bergen suhbatynda dál osy kúni rıngke shyqqysy keletinin aıtty.