5 mamyr kúni respýblıkanyń keı aımaqtarynda kún sýytady
ASTANA. QazAqparat - 5 mamyr kúni Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty keı jerlerde jańbyr jaýady, naızaǵaı bolady, tek respýblıkanyń soltústiginde aýa raıy jaýyn-shashynsyz bolady. Keı jerlerinde tuman, jeldiń kúsheıýi saqtalady. Bul týraly QR ІІM TJK habarlady.
Mańǵystaý oblysynyń keı jerlerinde tuman bolady, jel kúsheıedi 15-20 m/s. Almaty, Qaraǵandy, kúndiz Shyǵys Qazaqstan, oblystarynyń keı jerlerinde jel 15-20 m/s kúsheıedi. Batys Qazaqstan, Soltústik Qazaqstan oblystarynyń keı jerlerinde tuman kútiledi. Shyǵys Qazaqstan oblysynda, Aqmola, Qaraǵandy oblystarynyń keı jerlerinde 5 gradýsqa deıin úsik kútiledi. Aqtóbe oblysynyń keı jerlerinde óte joǵary órt qaýipi saqtalady.
