5 mamyr kúni Qazaqstannyń basym bóliginde jaýyn-shashyn bolady
ASTANA. QazAqparat - Sınoptıkter Qazaqstanda mamyrdyń 5-i kúni bolatyn aýa raıyna boljam jasady, dep habarlaıdy QazAqparat «Qazgıdromet» RMK-nyń baspasóz qyzmetine silteme jasap.
Qazaqstannyń basym bóliginde atmosferalyq aǵyndardyń ótýine baılanysty jaýyn-shashyn bolady. Jaýyn tek eldiń batysy men ońtústigine ǵana jaýmaıdy. Respýblıkanyń keı jerlerine tuman túsip, jel kúsheıip, arty shańdy daýylǵa ulasyp, tipti burshaq jaýýy da yqtımal.
Aqmola, Qaraǵandy oblystarynyń birqatar aýmaqtarynda tuman túsip, jeldiń jyldamdyǵy sekýndyna 15-20 metrge jetedi. Aqmola oblysynda jeldiń ekpini sekýndyna 23-28 metr bolady, kúndiz birqatar aımaqtarda burshaq jaýýy múmkin.
Shyǵys Qazaqstan oblysynyń keı jerlerinde jel sekýndyna 15-20 metr jyldamdyqpen uıtqıdy, ekpini 25 metrge jetedi. Kúndiz keı jerlerde burshaq jaýýy yqtımal.
Qostanaı, Soltústik Qazaqstan, Pavlodar oblystarynda tuman túsip, jeldiń jyldamdyǵy sekýndyna 15-20 metrge jetedi, Soltústik Qazaqstan, Pavlodar oblystarynda jeldiń ekpini sekýndyna 23-28 metr bolýy múmkin.
Ońtústik Qazaqstan, Qyzylorda, kúndiz Almaty, Jambyl, Aqtóbe oblystarynda jeldyń jyldamdyǵy sekýndyna 15-20 metrge deıin kúsheıedi. Ońtústik Qazaqstan, Qyzylorda, Jambyl oblystarynyń birqatar aımaqtarynda shańdy daýyl kóteriledi.
