5 mamyr kúni Qazaqstanda ótetin mańyzdy oqıǵalarǵa sholý

ASTANA

Saǵat 10.00-de «Kórme» kórme ortalyǵynda IV respýblıkalyq «Ulttyq ónim» otandyq taýar óndirýshiler kórmesiniń ashylýy bolady. Bul otandyq óndirýshiler úshin dıalog alańy bolyp tabylady. Munda shyǵarylatyn ónimniń sapasyn jaqsartý, básekege qabilettilikti arttyrý, eksporttyq salalardyń damýyn qalaı jaqsartýǵa bolatyny talqylanady. Sondaı-aq kórme barysynda VI franchaızıng boıynsha «KazFranch 2018» ulttyq forým-kórmesi ótedi. Munda qazaqstandyq, halyqaralyq kásiporyndar menshikti franchaızıng jobasyn jáne franshızany damytýǵa baılanysty tájirıbelerimen bólisedi.

Saǵat 10.00-de QR Mádenıet jáne sport mınıstrliginiń Ulttyq muraǵatynda Jeńis kúnine arnalǵan «Erlik - elge mura, urpaqqa - úlgi» derekti kórmesi ótedi.

Saǵat 10.30-da «Inklıýzıvti dızaın» ortalyǵynda halyqaralyq múmkindigi shekteýli jandardyń quqyqtaryn qorǵaý kúnine oraı ashyq esik kúni ótedi.

Saǵat 11.00-de Qazaqstan halqy Assambleıasynyń «Uly Dala Eliniń kıeli murasy» atty respýblıkalyq tarıhı-ekologııalyq aktsııasy bastalady. (N.Tilendıev kqshesi, 2, Ekinshi Dúnıejúzilik soǵys sarbazdarynyń Baýyrlastar zıraty)
Saǵat 11.00-de Qazaqstan Respýblıkasy Tuńǵysh Prezıdenti kitaphanasynda Jeńis kúnine arnalǵan «Eshkim de umytylmaıdy, eshteńe umytylmaıdy» atty is-shara ótedi.

Saǵat 11.30-da Otan qorǵaýshy jáne Uly Jeńis kúnine arnalǵan Іshki ister mınıstrligi basshylarynyń qatysýymen marapattardy tapsyrý rásimi jáne gala-kontsert ótedi.

Saǵat 15.00-de Qazaq gýmanıtarlyq zań ýnıversıtetiniń áskerı kafedrasynyń stýdentteri men ofıtserleri Baýyrjan Momyshulynyń eskertkishine gúl shoqtaryn qoıady.

Saǵat 16.00-de EKSPO pavılonynda IT-startaptar halyqaralyq tehnoparkiniń jedeldetilgen baǵdarlama qatysýshylarynyń birinshi aǵynynyń shyǵýyna baılanysty saltanatty shara ótedi.

ALMATY

Almaty oblysynyń Alakól aýdanynda ara sharýashylyǵyn jáne mal sharýashylyǵynyń, azyq-túlik qaýipsizdigin tekserý maqsatynda Qytaı ınspektorlarynyń qatysýymen baspasóz týry ótedi.

Saǵat 10.00-de Ál-Farabı atyndaǵy QazUÝ-da robototehnıka týrnıriniń irikteý kezeńi ótedi. Týrnır eki tártip boıynsha ótkiziledi: «KazRoboProject» pen «KazRoboSport».

Saǵat 11.00-de «ATAKENT» qazaqstandyq iskerlik yntymaqtastyq ortalyǵynda baspasóz jıyny ótedi. Aýmaqty kógaldandyrý boıynsha júrgizilgen jumystar, kásiporynnyń aǵymdaǵy jaǵdaıyn talqylaýǵa, sonyń ishinde Almaty qalasynyń ákimdiginiń jalǵa berý kelisimshartyn toqtatý jáne keleshekte odan ári damytý, qazirgi jáne bolashaqtaǵy josparlarmen olardy iske asyrý týraly qaýlysyna arnalady.

Saǵat 11.00-de Oqýshylar saraıynda «Almaty - meniń jasyl qalam!» uranymen «Birge jarqyn» festıvali ótedi.

Saǵat 12.00-de Almatyǵa vıtse-premer Asqar Jumaǵalıev jumys saparymen keledi. Jýrnalıster jınalatyn oryn: Almaty poshtasy.

Saǵat 15.00-de «Bordy saq qorǵany» arheologııalyq parkinde «Týǵan jerim Almatym» festıvali ótedi. Sharaǵa Qazaqstan halqy Assambleıasynyń músheleri, Almaty aımaqtyq «Jańǵyrý joly» atty jastar qozǵalysy, etnomádenı birlestikter, Almaty qalasyndaǵy joǵary oqý oryndaryndaǵy Qazaqstan halqy Assambleıasy kafedrasy, stýdentter men BAQ ókilderi qatysady.

ATYRAÝ

Saǵat 10:00-de Aqsaı aýyldyq okrýginiń ákimdik ǵımaratynda «Otan úshin ot keshkender» atty sazdy baǵdarlama ótedi.

Saǵat 17:00-de Turǵyndar qalashyǵyndaǵy Retro saıabaqta «Almaly. KZ» V halyqaralyq balalar óner festıvaliniń saltanatty jabylýy ótedi.

QOSTANAI

Saǵat 11:00-de Qostanaı ınjenerlik-ekonomıkalyq ýnıversıtetinde QR Parlamenti Senatynyń agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Jeńis Nurǵalıev jáne «Aýyl» partııasynyń tóraǵasy, Senat depýtaty Álı Bektaevtyń qatysýymen keńeıtilgen otyrys ótedi. Jıynda tabıǵatty tıimdi paıdalaný jáne aýyl sharýashylyǵy máseleleri qaralady.

ShYMKENT

Saǵat 11:00-de Óńirlik kommýnıkatsııalar qyzmetiniń alańynda Ońtústik Qazaqstan mýzyka kolledjiniń ókilderi Italııa men Grýzııa elinde ótken halyqaralyq baıqaýlardan alǵan jeńisi týraly brıfıng ótkizedi.

QYZYLORDA

Saǵat 10.00-de Keńes odaǵynyń Batyry M.Mámetovanyń eskertkishiniń aldynda «Jastyq jalynym - máńgilik elime» atty stýdent qyzdardyń dástúrli «Mánshúk marshy» patrıottyq sherýi ótedi.

KÓKShETAÝ

Saǵat 10-00-de Maral sharýashylyǵy aýmaǵynda «Jaılaý» etnoaýylynyń ashylýy ótedi.

SEMEI

Saǵat 12.00-de «Tarlan» deneshynyqtyrý-saýyqtyrý kesheninde UOS ardageri Qabysh Omarovty eske alýǵa arnalǵan qazaq kúresinen qalalyq týrnır ótedi.

Saǵat 15.00-de Abaı atynda teatrda Uly Jeńistiń 73 jyldyǵyna arnalǵan saltanatty jıyn.