5 mamyr kúngi aýa raıy boljamy
NUR-SULTAN. QazAqparat – 5 mamyr kúni Qazaqstan terrıtorııasynyń basym bóliginde jańbyr jaýyp, naızaǵaı oınaıdy. Eldiń tek soltústik jáne shyǵysynda jaýyn-shashynsyz aýa raıy saqtalady. Respýblıkanyń keı jerlerinde ekpindi jel, tuman kútiledi. Ońtústikte jáne batysta shańdy daýyl soǵady. Ońtústik-shyǵysta burshaq jaýýy yqtımal, dep habarlaıdy QazAqparat.
«Qazgıdromet» RMK málimetinshe, kúndiz Jambyl oblysynyń taýly aýmaǵynda burshaq kútiledi, keı jerlerinde jeldiń ekpini 23-28 m/s kúsheıedi.
Túrkistan, kúndiz Atyraý, Mańǵystaý oblystarynyń keı jerlerinde shańdy daýyl turyp, jeldiń jyldamdyǵy 15-20 m/s artady. Túnde jáne tańerteń Mańǵystaý oblysynda tuman bolady.
Batys Qazaqstan, Qaraǵandy, túnde jáne tańerteń Qyzylorda, kúndiz Aqmola, Aqtóbe, Qostanaı, Soltústik Qazaqstan, Pavlodar, Shyǵys Qazaqstan oblystarynyń keı jerlerinde jeldiń ekpini 15-20 m/s quraıdy. Soltústik Qazaqstan, Pavlodar oblystarynda túnde jáne tańerteń tuman bolady.
Eske salaıyq, sınoptıkter 5 mamyr kúni aýa raıynyń nasharlaýyna baılanysty 7 óńirde eskertý jarııalady.
