5 mamyrǵa deıin barlyq LRT poıyzdarynyń qozǵalysy ýaqytsha toqtatyldy
ASTANA. KAZINFORM — LRT jelisiniń jyljymaly quramy men negizgi júıelerin testilik synaqtan ótkizý jumystary tolyq kólemde aıaqtaldy, dep habarlaıdy City Transportation Systems mekemesiniń baspasóz qyzmeti.
— Qazirgi ýaqytta jelide josparly klınıngtik jáne reglamenttik jumystar júrgizilip jatyr. Osyǵan baılanysty, 5 mamyrǵa deıin barlyq LRT poıyzdarynyń qozǵalysy ýaqytsha toqtatyldy. LRT nysandarynda estakadalyq ınfraqurylymdy tazalaý, stansa ǵımarattaryn tazalaý, sondaı-aq jekelegen ınjenerlik júıelerdi odan ári paıdalanýǵa daıyndaý jumystary júrgiziledi. Bul jumystar LRT ınfraqurylymyn daıyndaý aıasynda josparly túrde júzege asyrylady, — delingen habarlamada.
Eske salsaq, jaqynda elorda ákimi Jeńis Qasymbek Astana LRT-nyń testilik qoldanylý barysymen, júıeniń negizgi jumys parametrlerimen jáne ınfraqurylymnyń daıyndyǵymen tanysqanyn jazǵan bolatynbyz.
Sonymen qatar, 28 sáýirden bastap Astana qalasy oqýshylary men jeńildik sanattaryna arnalǵan LRT ataýly kólik kartasyn rásimdeýge onlaın ótinim berý qyzmeti iske qosylatyny belgili boldy.
