Jańbyr, burshaq jaýady: 5 mamyrǵa arnalǵan aýa raıy boljamy

ASTANA. KAZINFORM - Sınoptıkter elimizdegi sınoptıkalyq jaǵdaı men aýa raıynyń qaýipti qubylystaryna qatysty boljamyn jarııalady.

Sınoptıkterdiń boljamy boıynsha, 5 mamyrda antıtsıklon saldarynan elimizdiń basym bóliginde aýa raıy jaýyn-shashynsyz ári jyly bolady.

- Qazaqstannyń batysy men shyǵysynda ǵana atmosferalyq frontaldy bólikterdiń jyljýyna baılanysty naızaǵaı oınap, jańbyr jaýady, batys óńirde nóser jańbyr jaýyp, burshaq túsýi múmkin, - dep eskertti «Qazgıdromet» RMK.

Batys Qazaqstan oblysynda kún kúrkirep, burshaq jaýyp, jel soǵady, 1 gradýs úsik júredi.

Aqmola oblysynda jel soǵady, 1 gradýs úsik júredi jáne órt qaýpi joǵary bolady.

Mańǵystaý oblysynda kún kúrkirep, shańdy daýyl, jel soǵady, órt qaýpi joǵary bolady.

Qonaev qalasynda jáne Almaty oblysynda órt qaýpi joǵary bolady.

Atyraýda, Atyraý oblystarynda jańbyr, burshaq jaýýy múmkin, naızaǵaı oınap, joǵary órt qaýpi saqtalady.

Petropavl, Kókshetaý qalalarynda, Túrkistan, Soltústik Qazaqstan oblystarynda jeldiń ekpini 15-20 m/s jetedi.

Óskemen, Semeı qalalarynda, Abaı, Shyǵys Qazaqstan oblystarynda naızaǵaı oınap, jel soǵady, joǵary órt qaýpi saqtalady.

Aıta keteıik, Iranda qumdy daýyldan 800-den astam adam zardap shegip, aýrýhanaǵa jetkizildi.