5 qyrkúıekte Qazaqstannyń basym bóliginde jaýyn-shashyn bolmaıdy
ASTANA. QazAqparat - 5 qyrkúıekte Qazaqstannyń basym bóliginde aýqymdy antıtsıklon yqpal etedi, sondyqtan aýa raıy jaýyn-shashynsyz bolady, dep habarlaıdy Qazgıdromet.
Tek elimizdiń soltústik-batysy men qıyr soltústik aýmaǵynda tómen qysym áserinen azdaǵan jańbyr kútiledi. Keı jerlerde jel soǵady, ońtústikte shańdy daýyl turady. Túnde jáne tańerteń keı jerlerde tuman kútiledi. Respýblıkasynyń soltústiginde, soltústik-batysynda, shyǵysynda jáne ortalyǵynyń keı jerlerinde túnde jáne tańerteń úsik júredi.
Soltústik Qazaqstan, Pavlodar, Qaraǵandy, Shyǵys Qazaqstan oblystarynda túnde jáne tańerteń, Aqtóbe oblysynyń keı jerlerinde tuman kútiledi.
Túrkistan, Mańǵystaý oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Jambyl oblysynda keı jerlerde tuman túsedi, jeldiń jyldamdyǵy 15-20 m/s-ǵa deıin kúsheıedi.
Qostanaı oblysynyń keı jerlerinde tuman, kúndiz jeldiń jyldamdyǵy 15-20 m/s-ǵa jetedi.
Qyzylorda oblysynda tańerteń jáne kúndiz keı jerlerde shańdy daýyl turyp, jeldiń jyldamdyǵy 15-20 m/s-ǵa deıin kúsheıedi.
Qyzylorda, Túrkistan oblystarynda, Jambyl, Atyraý, Batys Qazaqstan, Mańǵystaý, Aqtóbe jáne Qaraǵandy oblystarynyń keı jerlerinde joǵary órt qaýpi saqtalady.
Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde túnde 1-2 gradýs úsik júredi.
