5 qyrkúıekte Almaty oblysynda kún qatty ystyq bolady dep kútilýde
ASTANA. 4 qyrkúıek. QazAqparat - Respýblıkanyń basym bóliginde jaýyn-shashynsyz aýa raıy saqtalady. Respýblıkanyń batysynda jáne shyǵysynda ǵana aýa raıy turaqsyz bolady dep kútilýde, keı jerlerde jańbyr jaýyp, naızaǵaı jarqyldaıdy jáne jel kúsheıedi.
Bul týraly Qazgıdrometke silteme jasap, QR TJM habarlaıdy.
Atyraý oblysynda, kúndiz Mańǵystaý, Batys Qazaqstan, Aqtóbe oblystarynda keı jerlerde jel 15-20 m/s-qa kúsheıedi, Atyraý, Batys Qazaqstan oblystarynda shań kóterilip, daýyl turady.
Túnde jáne tańerteń Qostanaı, Soltústik Qazaqstan oblystarynda keı jerlerde tuman túsedi dep kútilýde.
Almaty oblysynda kúndiz keı jerlerde qatty ystyq bolady dep kútilýde.
Ońtústikte, ońtústik-shyǵysta, respýblıkanyń ortalyǵy jáne batysynyń keı jerlerinde joǵary órt qaýpi saqtalady.
