5 qyrkúıek. Týǵan kún ıeleri
ESІMDER
146 jyl buryn ulttyq mádenıet pen ádebıettiń, bilim men ǵylymnyń týyn kótergen, jurtshylyqtyń sanasyna demokratııalyq oılar sińirip, alǵa jeteleýge umtylǵan zııalylarymyzdyń biri Ahmet BAITURSYNOV dúnıege kelgen.
Ahmet 1872 jyly 5 qyrkúıekte qazirgi Qostanaı oblysy, Jangeldi aýdany Sarytúbek aýylynda týǵan. Ahmet qazaq halqynyń 20- ǵasyrdyń basyndaǵy ult-azattyq qozǵalysy jetekshileriniń biri, memleket qaıratkeri, qazaq til bilimi men ádebıettaný ǵylymdarynyń negizin salýshy ǵalym, ulttyq jazýdyń reformatory, aǵartýshy, Alash Orda ókimetiniń múshesi.
94 jyl buryn (1924-1991) kompozıtor, Qazaqstannyń eńbek sińirgen qaıratkeri, Qazaqstannyń jáne KSRO-nyń halyq ártisi, Memlekettik syılyǵynyń laýreaty MUHAMEDJANOV Sydyq dúnıege keldi.
Muhamedjanovtyń qazaq án ónerinde Abaı óleńderine jazylǵan «Jarq etpes qara kóńilim ne qylsa da», «Ózgege kóńilim toıarsyń», «Qaqtaǵan aq kúmisteı keń mańdaıly», «Ǵashyqtyń tili - tilsiz til» atty ánderi erekshe daralandy. Shýaqty lırızmge tunǵan «Kóktem valsi», «Syrly qaıyń», «Sholpanym», «Terbeledi tyń dala», «Jarqyraıdy Temirtaýdyń ottary», «Eńbek áni», «Jastar marshy», taǵy basqa balalyq shaq, jastyq shaq, beıbitshilik, eńbekti jyr etken kóptegen ánderi men romanstary el arasynda keńinen tanymal.
64 jyl buryn (1954) QR Ortalyq memlekettik mýzeıiniń dırektory, tarıh ǵylymdarynyń kandıdaty, dotsent, Qazaqstannyń eńbek sińirgen qaıratkeri ÁLІMBAI Nursán dúnıege keldi.
Almaty oblysynda týǵan. Qazaq memlekettik ýnıversıtetin, Qazaqstan Ǵylym akademııasynyń tarıh jáne etnologııa ınstıtýtynyń aspırantýrasyn bitirgen. 150-den astam ǵylymı jáne ǵylymı-kópshilik jumystardyń avtory.
59 jyl buryn (1959) Jambyl oblysy Qordaı aýdanynyń ákimi - BAITÓLE Bolatbek Baıqonysuly dúnıege keldi.
1980 jyly Almaty halyq sharýashylyǵy ınstıtýtyn «býhgalterlik esep», 2001 jyly Qyrǵyz-Reseı bilim berý akademııasyn «zańger» mamandyqtary boıynsha bitirgen. 2017 jylǵy naýryzdan beri qazirgi qyzmetinde.
55 jyl buryn (1963) QR Parlamenti Májilisiniń depýtaty ERMAN Muhtar Tildábekuly dúnıege keldi.
Ońtústik Qazaqstan oblysy Qyzylqum aýdany «Temir» sovhozynda týǵan.
S.M. Kırov atyndaǵy Qazaq memlekettik ýnıversıtetin (1986) bitirgen. Tarıhshy, shetel tilinde oqytatyn tarıh pániniń oqytýshysy. Ál-Farabı atyndaǵy Qazaq ulttyq ýnıversıteti (1998), zańger.
Májilistegi «Nur Otan» partııasy fraktsııasynyń múshesi.
35 jyl buryn (1983) «Habar» telearnasynyń dırektory RAHYMJANOVA Sandýǵash Nurabaıqyzy dúnıege keldi.
Qaraǵandy qalasynda týǵan. Ál-Farabı atyndaǵy Qazaq ulttyq ýnıversıtetin jýrnlaıstıka mamandyǵy boıynsha támamdady (2004); M.Lomonosov atyndaǵy Máskeý memlekettik ýnıversıtetiniń magıstri (2006).
Eńbek joly: «Habar» agenttiginiń marketolog-sarapshysy (2012-2013); «Habar» arnasynda baǵdarlamalar dırektsııasynyń basshysy (2013-2016); «Habar» agenttigi dırektorynyń orynbasary (07.2016-09.2016).
2016 jyldyń qyrkúıek aıynan bastap qazirgi qyzmetinde.