5 kúnniń ishinde qazaqstandyq júrgizýshiler 57 myńnan astam JQE buzýshylyqqa jol berdi
ASTANA. QazAqparat - Qazaqstanda 23-27 aqpan aralyǵynda «Qaýipsiz jol» jedel-aldyn alý sharalalry júrgizilip, 57 myńnan astam jol qozǵalysy erejelerin buzýshylyq anyqtaldy, dep habarlady QR ІІM Ákimshilik polıtsııasy komıteti.
Sonyń ishinde kólikti mas kúıinde basqarýdyń 1053 faktisi, 886 ret - kólikti basqarýǵa quqyǵy joq adamdar júrgizgeni, jyldamdyqty shamadan tys arttyrýdyń 7520 faktisi, 382 ret qozǵalystyń qarsy betine shyǵyp ketý jaǵdaıy, 514 - apattyq jaǵdaı týǵyzý oqıǵasy, 1 522 jaıaý júrginshilerge jol bermeý kórinisi, 9349 - qaýipsizdik beldigin taǵynbaý, 1007 - baǵdarshamnyń júrýge tyıym salý dabylyn eskermeý, 6700 márte - kólik júrgizip kele jatyp telefonmen sóılesý faktisi anyqtaldy.
Sonymen birge jol qozǵalysy erejelerin qoǵamdyq jolaýshylar kóligi júrgizýshileri 3 myń ret buzǵan.
«Taldaý kórsetkendeı, eldegi jol qozǵalysy qaýipsizdigi jaǵdaıdaǵy basty faktor - jol qozǵalysy erejeleriniń óreskel buzylýy bolyp otyr. Sonyń saldarynan 2015 jyldyń basynan beri júrgizýshilerdiń kinásinen 2 myń jol-kólik oqıǵalary oryn alǵan, bul barlyq oqıǵalardyń 90 paıyzynan astamyn quraıdy», dep atap ótti ІІM Ákimshilik polıtsııasy komıtetiniń baspasóz hatshysy Irına Lýkıanova.
