5 kún ishinde Qazaqstan boıynsha tumaý jáne tynys organdarynyń ótkir juqpaly aýrýlarymen syrqattanǵan 40 myńnan astam adam tirkeldi
ASTANA. 25 qańtar. QazAqparat - 5 kún ishinde Qazaqstan boıynsha tumaý jáne tynys organdarynyń ótkir juqpaly aýrýlarymen syrqattanǵan 40 myńnan astam adam tirkelgen,
dep habarlaıdy QR Densaýlyq saqtaý mınıstrliginiń baspasóz qyzmeti.
«Qazaqstan Respýblıkasynyń Densaýlyq saqtaý mınıstrligi aǵymdaǵy jyldyń 19 - 24 qańtary aralyǵynda Qazaqstanda tumaý jáne tynys organdarynyń ótkir juqpaly aýrýlaryn juqtyrǵan 40 840 adam tirkelgenin habarlaıdy, bul byltyrǵy jyldyń osy kezeńimen salystyrǵanda 1,6 esege kem», - delingen taratylǵan aqparatta.
Respýblıkanyń 16 óńiri ishinen Almaty, Shyǵys Qazaqstan, Qaraǵandy, Qostanaı, Pavlodar oblystary men Almaty qalasynda aýyrǵan adamdardar kóp kezdesken.
«Ótken aptada 1789 adam aýrýhanaǵa jatqyzyldy, bul tynys joldarynyń aýrýy jáne tumaýmen naýqastanyp, dárigerlik kómekke júgingen halyqtyń 4,3 paıyzyn quraıdy», - dep naqtylanǵan taratylǵan aqparatta.
Osy epıdemıologııalyq maýsymda negizinen V tıpti vırýs tarap otyr. Vedomstvonyń málim etkenindeı, naýqastardyń jartysynan kóbi 14 jasqa deıngi balalar bolyp shyqqan (67 paıyzy). Alaıda respýblıkanyń mektepke deıingi jáne jalpy bilim berý mekemeleri kúndelikti keste boıynsha jumys isteýde.
Taratylǵan aqparatta Densaýlyq saqtaý mınıstrligi juqpaly aýrýlardyń aldyn alý jónindegi keshendi jumystardy jalǵastyryp jatqandyǵy aıtylǵan.
