5 kún boıy aıdalada qar jep kúneltken malshy qutqaryldy
ASTANA. KAZINFORM — 21 naýryz kúni túnde qutqarý qyzmetine adamnyń joǵalǵany týraly habar tústi. 17 naýryz kúni 1969 jyly týǵan er adam Abaı oblysynyń Abaı aýdanyndaǵy sharýa qojalyǵynan mal izdeýge atpen shyǵyp, qaıta oralmaǵan. Bul týraly TJM baspasóz qyzmeti málim etti.
— Onyń ornalasqan jeri belgisiz bolyp, telefony sóndirýli bolǵan. Іzdeý jumystaryna joǵary ótimdi tehnıkamen TJM kúshteri, polıtsııa qyzmetkerleri jáne týystary jumyldyryldy. Búgin tańerteń izdeý toby er adamdy dalada taýyp aldy, — delingen habarlamada.
Malshyǵa ystyq shaı berilip, jaraqattanǵan aıaǵy tańylyp, medıtsınalyq kómek kórsetý úshin Aqshoqy aýylyna jetkizildi.
— Belgili bolǵandaı, bes kún buryn ol dalada jatqan atty baıqap qalǵan. Janýardy turǵyzýǵa kómektespek bolǵan sátte er adam attyń astynda qalyp, aıaǵyn syndyryp alǵan. Osydan keıin at ıesinen alystap ketken, al ol dalada jalǵyz qalǵan. Osy ýaqyt boıy ol qar jep kún kórgen, — dep habarlady TJM-nan.
Buǵan deıin Qostanaı oblysynda muz astyna túsip ketken eki balyqshy qutqarylǵan edi.