5 qazan kúni Qazaqstanda janbyr, qar boljanady
NUR-SULTAN. QazAqparat – 5 qazan kúni elimizdiń soltústik, ortalyq jáne shyǵys óńirlerinde jaýyn-shashyn (jańbyr, qar) bolady. Kúndiz respýblıkanyń ońtústiginde jańbyr jaýady. Qalǵan aýmaqtarda jaýyn-shashynsyz aýa raıy kútiledi. Respýblıkanyń keı jerlerinde tuman, kóktaıǵaq, ekpindi jel boljanady, dep habarlaıdy QazAqparat.
«Qazgıdromet» RMK málimetinshe, Aqmola, Qostanaı oblystarynyń keı jerlerinde jel 15-20 m/s kúsheıedi, túnde jáne tańerten tuman kútiledi. Aqmola oblysynda kóktaıǵaq bolady.
Pavlodar, Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq boljanady. jel 15-20 m/s kúsheıedi. Qaraǵandy, Shyǵys Qazaqstan oblystarynda jeldiń ekpini 23-28 m/s jetedi.
Jambyl oblysynda tuman bolady. Kúndiz keı jerlerinde jel 15-20 m/s artady.
Kúndiz Túrkistan, Qyzylorda, Aqtóbe oblystarynyń keı jerlerinde jel 15-20 m/s kúsheıedi.
Túnde jáne tańerten Soltústik Qazaqstan oblysynyń keı jerlerinde tuman boljanady.
Sondaı-aq Almaty, Jambyl oblystarynyń keı jerlerinde túnde 1-3 gradýs úsik kútiledi.
Budan bólek, Qyzylorda, Túrkistan oblystarynyń basym bóliginde, Jambyl oblysynyń keı jerlerinde, Qaraǵandy oblysynyń ońtústiginde, Aqtóbe oblysynyń ońtústik-shyǵysynda tótenshe órt qaýpi saqtalady.
