5 qazan kúni aýa raıy qandaı bolady
NUR-SULTAN. QazAqparat - Sınoptıkter 5 qazan kúni aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Qazaqstannyń basym bóliginde jaýyn-shashynsyz aýa raıy kútiledi. Tek ońtústik bóliginde atmosferalyq fronttardyń áserinen túnde jáne tańerteń jańbyr jaýady. Respýblıkanyń keı óńirlerinde tuman túsip, jel ekpini 15-20 m/s jetedi. Ońtústikte shańdy daýyl turady.
Almaty, Jambyl, Túrkistan, Qyzylorda oblystarynyń keı jerlerinde jel 15-20 m/s deıin kúsheıedi.
Jambyl oblysynyń keı aımaqtaryna tuman túsedi.
Qyzylorda oblysynyń kúndiz keı jerlerinde shańdy daýyl kútiledi.
Túnde jáne tańerteń Soltústik Qazaqstan, Qaraǵandy oblystarynyń keı jerlerinde tuman túsedi.
Túrkistan oblysynyń basym bóliginde, Qyzylorda oblysynyń shyǵysynda, Jambyl oblysynyń soltústik-batysynda, Qaraǵandy oblysynyń batys jáne ońtústik-batys bóliginde, Batys Qazaqstan oblysynyń ońtústiginde, Shyǵys Qazaqstan oblysynda óte joǵary órt qaýpi saqtalady.
