5 qazan kúni elordada ótetin mańyzdy is-sharalar ańdatpasy
QazAqparat halyqaralyq aqparat agenttigi 5 qazan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
10.00-de Parlament Senatynyń otyrysy ótedi.
Kún tártibinde Parlament Májilisi qabyldaǵan «Túrki ınvestıtsııalyq qoryn qurý týraly kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy Taraptar memleketteriniń azamattaryna qatysty aqparat almasý týraly kelisimdi ratıfıkatsııalaý týraly» QR zańdary qaralady.
10.00-de QR Tuńǵysh Prezıdentiniń murajaıynda Nobel festıvaldyń ashylýy ótedi.
10.00-de «Aq jol» fraktsııasy «Qylmystyq kodeks, Qylmystyq-protsestik kodeks pen qylmystyq atqarý kodeksin jetildirý týraly keıbir zańnamalyq aktilerge ózgeris pen tolyqtyrý engizý týraly» zań jobasyn talqylaıdy.
11.00-de A-185 kóshesinde «Qazposhta» AQ Astanadaǵy iri logıstıka ortalyǵynyń saltanatty ashylýyn ótkizedi.
11.00-de «Samuryq-Qazyna» AQ keńsesinde Bolat Jámishevtiń tóraǵalyǵymen jylýmen jabdyqtaý nysandaryn, jeliler men elektr energetıkalyq ınfraqurylymdy kúzgi-qysqy kezeńge daıyndaýǵa arnalǵan Qoǵamdyq keńes otyrysy ótedi.
15.00-de QR Prezıdenti janyndaǵy ortalyq kommýnıkatsııalar qyzmetinde «Memleket basshysynyń densaýlyq saqtaý salasyndaǵy tapsyrmalaryn oryndaý týraly» baspasóz máslıhaty ótedi.
Spıker: QR Densaýlyq saqtaý mınıstri Ajar Ǵınııat.
Kórsetilim siltemeleri: youtube, facebook.
19.00-de Qalıbek Qýanyshbaev atyndaǵy memlekettik akademııalyq qazaq mýzykalyq drama teatrynda «Hat» lırıkalyq dramasy qoıylady.
