5 qazan. Kazinform kúntizbesi. Tulǵalar týǵan kún

Elsııar QANAǴATOV, Qazaqstan Respýblıkasy Ústel tennısi federatsııasynyń vıtse-prezıdenti

1955 jyly QHR-dyń Sháýeshek qalasynda dúnıege kelgen. 1977 jyly Qazaq dene shynyqtyrý ınstıtýtyn jáne 2006 jyly «Qaınar» ýnıversıtetiniń ekonomıka fakýltetin támamdaǵan. Pedagogıka ǵylymynyń kandıdaty.

Eńbek jolyn 1977 jyly orta mekteptiń dene tárbıesi muǵalimi bolyp bastady. 1979-1994 jyldar aralyǵynda «Qaırat» sporttyq-dene shynyqtyrý respýblıkalyq qoǵamynyń ortalyq keńesinde nusqaýshy, bólim meńgerýshisi, basqarma bastyǵy, ortalyq keńes tóraǵasynyń orynbasary qyzmetterin atqardy.1994-2006 jyldar aralyǵynda jumysyn memlekettik qyzmette jalǵastyrdy. 1995-2001 jyldary Qazaqstan Respýblıkasy Jastar, týrızm jáne sport mınıstrliginiń dene shynyqtyrý basqarmasy bastyǵynyń orynbasary, QR Bilim, mádenıet jáne densaýlyq mınıstrliginiń Týrızm jáne sport komıtetinde bas mamany, bólim bastyǵy, QR Týrızm jáne sport agenttiginiń basqarma bastyǵy bolyp jumys istedi. 2001-2006 jyldary aralyǵynda — QR Týrızm jáne sport agenttigi tóraǵasynyń orynbasary, QR Mádenıet, aqparat jáne sport mınıstrligi Sport isteri jónindegi komıtet tóraǵasynyń orynbasary. 2006 jyldan bastap 2010 jyldyń aqpan aıyna deıin Qazaqstan Respýblıkasy Týrızm jáne sport mınıstrligi Sport komıtetiniń «Shtattyq ulttyq komandalar jáne sporttyq rezervi» Respýblıkalyq memlekettik qazynalyq kásipornynyń dırektory qyzmetin atqardy. 2010 jylǵy naýryz aıynan bastap 2011 jyldyń jeltoqsan aıyna deıin — QR Týrızm jáne sport mınıstrliginiń Sport komıteti tóraǵasynyń orynbasary. 2011 jylǵy jeltoqsan aıynda QR Týrızm jáne sport vıtse-mınıstri laýazymyna taǵaıyndaldy. 2012 jylǵy aqpan aıynan bastap Qazaqstan Respýblıkasy Sport jáne dene shynyqtyrý isteri agenttigi tóraǵasynyń orynbasary. 2014 jyldyń tamyz aıynan bastap QR mádenıet jáne sport mınıstrliginiń Sport jáne dene shynyqtyrý isi komıtetiniń tóraǵasy. 2014-2018 jyldary QR Mádenıet jáne sport mınıstrliginiń Sport jáne dene shynyqtyrý isi komıtetiniń tóraǵasy boldy.

2023 jyldyń sáýir aıynan bastap qazirgi qyzmetinde.

Asqar BIAHMETOV, QR Ulttyq ekonomıka mınıstrligi apparatynyń basshysy

1975 jyly Aqtóbe oblysynda týǵan. Qazaq memlekettik basqarý akademııasyn «qarjy jáne nesıe» mamandyǵy boıynsha, Qazaq zań akademııasyn «quqyqtaný» mamandyǵy boıynsha, Duke (AQSh) ýnıversıtetin «saıasattaný» mamandyǵy boıynsha bitirgen.

Eńbek joly: 1993–2004 jyldary oblystyq qarjy basqarmasynda, «Profılaktorıı» PK-da, Aqtóbe qalasynyń Salyq komıtetinde, qalalyq ákimdikte, sondaı-aq Aqtóbe oblysynyń qazynashylyq jáne qarjy basqarmalarynda basshylyq laýazymdarda jumys istedi. 2004–2009 jyldary Aqmola oblysy boıynsha Qazynashylyq departamentiniń bastyǵy. 2009–2014 jyldary QR Konstıtýtsııalyq Keńesiniń bólim meńgerýshisi. 2014–2015 jyldary QR Ulttyq ekonomıka mınıstrliginiń Memlekettik basqarý júıesin damytý departamentiniń dırektory. 2015–2018 jyldary Aqtóbe oblysynyń ákiminiń orynbasary. 2019–2020 jyldary QR Premer-Mınıstri birinshi orynbasarynyń keńesshisi. Qazaqstan Respýblıkasy eńbek jáne halyqty áleýmettik qoldaý vıtse-mınıstri (2024-2026).

Qazirgi laýazymyna 2026 jylǵy tamyzda taǵaıyndaldy.

Qýanyshbek ÚShTAEV, Qazaqstan Respýblıkasy Qarýly Kúshteri Qurlyq áskerleri bas qolbasshysy

1976 jyly Jambyl oblysy, Jýaly aýdany, Alekseevka aýylynda týǵan. Almaty joǵary áskerı ýchılışesin (1997), Ulttyq qorǵanys ýnıversıtetin (2009), Reseı Federatsııasy Qarýly Kúshteri Bas shtabynyń Áskerı akademııasyn (2018) bitirgen.

Eńbek joly: vzvod komandırinen bastap áskerler komandıriniń orynbasaryna deıin ártúrli laýazymdarda qyzmet etti (1997-2016); Shtab bastyǵy — «Shyǵys» óńirlik qolbasshylyǵy (Semeı) áskerleri qolbasshysynyń birinshi orynbasary (2018-2022); «Shyǵys» óńirlik qolbasshylyǵy áskerleriniń qolbasshysy (2022-2023); Qazaqstan Respýblıkasy Qorǵanys mınıstrligi «Ońtústik» óńirlik qolbasshylyǵy áskerleriniń qolbasshysy (2023-2024); Qazaqstan Respýblıkasy Qarýly Kúshteri Qurlyq áskerleri bas qolbasshysynyń birinshi orynbasary (2024-2026).

Qazirgi qyzmetine 2026 jylǵy qyrkúıekte taǵaıyndaldy.

Qaıyrken ÁLIEV, Aqtóbe oblysy Polıtsııa departamentiniń bastyǵy

1977 jyly Ulytaý oblysynyń Jańaarqa aýdanynda týǵan. Qaraǵandy ​​zań ınstıtýtyn bitirgen; Qazaqstan Respýblıkasy Іshki ister mınıstrliginiń B.Beısenov atyndaǵy Qaraǵandy ​​akademııasyn bitirgen.

Eńbek joly: Qaraǵandy ​​oblysynyń ІІD bólimshelerinde ártúrli laýazymdarda jumys istegen (2000); Qaraǵandy ​​oblysy ІІD Uıymdasqan qylmysqa qarsy kúres basqarmasynyń Temirtaý qalasy boıynsha uıymdasqan qylmyspen kúres basqarmasynyń bastyǵy (2009-2010); Temirtaý qalalyq ishki ister basqarmasy bastyǵynyń orynbasary (2013-2014); Saransk qalasynyń polıtsııa bóliminiń bastyǵy (2014-2018); Qaraǵandy ​​oblysy polıtsııa departamenti bastyǵynyń orynbasary (2018-2022); Ulytaý oblysy polıtsııa departamenti bastyǵynyń mindetin atqarýshy (2022); Ulytaý oblysy polıtsııa departamentiniń bastyǵy (2022-2026).

Qazirgi laýazymyna 2026 jylǵy qańtarda taǵaıyndaldy.

Juban MOLDAǴALIEV, qazaq aqyny, aýdarmashy, jýrnalıst, jazýshy

1920 jyly Batys Qazaqstan oblysynda dúnıege kelgen. Oral aýyl sharýashylyǵy tehnıkýmyn bitirgen. 1940-1947 jyldary ásker qatarynda bolǵan. Uly Otan soǵysyna qatysqan.

1948-1952 jyldary — «Lenınshil jas» gazetinde bólim meńgerýshisi, jaýapty hatshy, redaktordyń orynbasary. 1952-1954 jyldary — Qazaqstan Jazýshylar odaǵynda ádebı keńesshi. 1955-1956 jyldary — «Qazaq ádebıeti» gazeti redaktorynyń orynbasary. 1957-1963 jyldary — «Juldyz» jýrnalynyń bas redaktory. 1963-1971 jyldary — Qazaqstan Jazýshylar odaǵy basqarmasynyń hatshysy. 1973-1983 jyldary — KSRO Jazýshylar basqarmasynyń hatshysy. 1979-1983 jyldary — Qazaqstan Jazýshylar odaǵynyń birinshi hatshysy qyzmetterin atqarǵan. 1983-1988 jyldary — shyǵarmashylyq jumyspen aınalysty. Alǵashqy óleńi Oral oblystyq «Komsomol urpaǵy» gazetinde 1939 jyly basylǵan. 1949 jyly «Jeńis jyrlary» degen atpen tuńǵysh óleńder jınaǵy shyqqan. Sodan bergi jyldar ishinde «Nurly jol», «Jyr týraly jyr», «Ǵashyq kózben», «Zaman tynysy», «Baıqońyr baspaldaqtary», t. b. barlyǵy 60-tan astam kitaby, ár kezeńde qazaq, orys tilderinde tańdamaly shyǵarmalarynyń bir tomdyǵy, qos tomdyǵy, úsh tomdyǵy jaryq kórdi. Juban Moldaǵalıevtiń eń tanymal shyǵarmalarynyń biri «Men — qazaqpyn» poemasy 1964 jyly jaryq kórgen. Ózi dúnıeden ótkennen keıin shyǵarmalarynyń eki tomdyǵy shyqty. 1970 jyly «Kisen ashqan» poemasy úshin Qazaq KSR Memlekettik syılyǵyna, 1978 jyly «Qyran dala» jáne «Sel» poemalary úshin KSRO Memlekettik syılyǵyna ıe boldy. KSRO Qorǵanys mınıstrligi syılyǵynyń laýreaty jáne A.Fadeev atyndaǵy altyn medaldiń ıegeri. Kóptegen shyǵarmalary aǵylshyn, nemis, frantsýz, polıak, ıspan, vengr, arab, mońǵol, slovak jáne basqa da tilderge aýdarylǵan.

Lenın ordenimen, eki ret Eńbek Qyzyl Tý, eki ret ІІ dárejeli Otan soǵysy, «Qurmet belgisi» ordenderimen, birneshe medaldarmen marapattalǵan. 1985 jyly «Qazaq KSR Halyq jazýshysy» qurmetti ataǵy berildi.

Shona SMAHANULY, jazýshy, satırık, Uly Otan soǵysynyń ardageri

1924 jyly Jambyl oblysynda dúnıege kelgen. Qazaq ulttyq pedagogıka ýnıversıtetin bitirgen. Ekinshi dúnıejúzilik soǵysqa qatysqan.

1943-1957 jyldary Jambyl oblysy Talas aýdanynda pedagogıkalyq qyzmette bolǵan. 1957-1984 jyldary — «Mektep» baspasynyń redaktory, «Qazaqstan muǵalimi» gazetiniń ádebı qyzmetkeri, bólim meńgerýshisi, «Ara» — «Shmel» jýrnalynyń feletonısi, «Jazýshy» baspasynyń redaktory, bólim meńgerýshisi qyzmetterin atqarǵan. Tuńǵysh satıralyq óleńder jınaǵy «Totııaıyn» 1959 jyly basylyp shyqqan. «Qý túlkiniń sybaǵasy», «Kórip júr ǵoı kózderiń, úkimin aıt ózderiń», «Shymshyma», «Ury tis», «Altyn jumyrtqa», «Ur, toqpaǵym, ur», «Júz shymshyma, qyryq qyshyma», «Qońyraýly sheńgel», «Kezdik», «Sandyqtan shyqqan shaıtan», «Jymııady jeńeshem», «Jasyraıyn nesine», «Ótkirdiń júzi» satıralyq óleńder jınaǵy, tarıhı taqyrypqa jazylǵan «Úmit juldyzy» povesi jaryq kórgen. Birqatar án mátininiń avtory. Orys tilinde birneshe kitaby jaryq kórgen. Qazaqstan Joǵarǵy Keńesiniń Qurmet gramotasymen jáne medaldarmen marapattalǵan. Almaty qalasyndaǵy mektepke Sh. Smahanulynyń esimi berilgen.