5 qazan. QazAqparat kúntizbesi
5 qazan. JUMA
Halyqaralyq muǵalimder kúni
1994 jyldan bastap ıÝNESKO sheshimi boıynsha atap ótiledi. 1966 jyly 5 qazanda Parıjde ótken ıÝNESKO bas konferentsııasynda bilim berý qyzmetkerleriniń quqyqtyq mártebesi týraly alǵashqy halyqaralyq qujat qabyldandy.
Portýgalııa Respýblıkasy kúni
1910 jyly monarhııa qulaǵan kún qurmetine atap ótiledi.
AÓSShK (Azııadaǵy ózara yqpaldastyq jáne senim sharalary jónindegi keńes) kúni
AÓSShK - aımaqtaǵy qaýipsizdik pen turaqtylyqty qamtamasyz etýde azııalyq memleketterdiń yntymaqtastyǵy men ózara yqpaldastyǵyn nyǵaıtýdy maqsat etip qoıǵan Azııa qurlyǵyndaǵy memleketterdi biriktiretin halyqaralyq forým. Keńesti shaqyrý jónindegi ıdeıany alǵash ret Qazaqstan Respýblıkasynyń Prezıdenti Nursultan Nazarbaev 1992 jyly qazanda ótken BUU Bas Assambleıasynyń 47-sessııasynda usynǵan bolatyn. Alǵashqy AÓSShK sammıti 2002 jyly ótti.
Tájikstan Respýblıkasynda memlekettik til kúni
Bul mereke 2009 jylǵa deıin 22 shilde kúni atalyp ótiletin. 2009 jyly 5 qazanda «Tájikstan Respýblıkasynyń memlekettik tili týraly» jańa zańynyń qabyldanýyna baılanysty merekeniń datasy osy kúnge aýystyryldy.
Dúnıejúzilik jymııý kúni
1999 jyldan beri jyl saıyn qazannyń alǵashqy jumasy kúni toılanady. Osy ataýly kúnge sýretshi Harvı Belldiń eńbegi erekshe sińdi deýge bolady, ol HH ǵasyrdyń ortasynda saqtandyrý kompanııalarynyń biriniń tapsyrysymen búkil álemge tanymal bolǵan jymııý sımvolyn oılap tapty.
ESTE QALAR OQIǴALAR
1868 jyly Gavrılovskoe qystaǵynyń ornynda Taldyqorǵan qalasy óz tarıhyn bastady. 1920 jyly Jetisý oblystyq atqarý komıtetiniń uıǵarýymen Gavrılovka selosynyń ataýy resmı túrde Taldy-Qorǵan selosy dep ózertildi. 30-40 jyldary Taldy-Qorǵan aýdanynyń ortalyǵy bolyp bekitiledi. 1944 jyly Taldy-Qorǵan selosyna qala dárejesi berilip, Almaty okrýginen bólindi. 2001 jyldyń 22 qyrkúıeginen bastap, Taldyqorǵan QR Almaty oblysynyń ortalyǵy bolyp sanalady.
1930 jyly Qazaq aýyl sharýashylyǵy ınstıtýty (qazirgi Qazaq memlekettik agrarlyq ýnıversıteti) ashyldy.
1992 jyly BUU Bas Assambleıasy 47-sessııasynda Qazaqstan Respýblıkasynyń Prezıdenti Nursultan Nazarbaev alǵash ret AÓSShK shaqyrylymy týraly ıdeıany aıtty. Álemniń basqa óńirlerinen bir aıyrmashylyǵy, sol kezde Azııada mundaı qurylym joq edi jáne buǵan deıingi ony jasaý áreketteri sátsizdikpen aıaqtalǵan bolatyn. Bul bastamany ýaqyt talaby dep sanaıtyn birqatar Azııa elderi qoldady.
1993 jyly aqyn Jumeken Nájimedenov turǵan úıge eskertkish ornatyldy.
1999jyly Prezıdent Nursultan Nazarbaev Iranǵa resmı saparmen bardy. Taraptar birqatar kelissózder júrgizip, Qazaqstan Respýblıkasy men Iran Islam Respýblıkasy arasyndaǵy ózara qatynas týraly Deklaratsııaǵa qol qoıdy.
2005 jyly Almatyda belgili rejısser, Qazaqstan Respýblıkasynyń kınematograftar odaǵynyń múshesi Q.Omarovtyń «Munaı tamshysyndaǵy taǵdyrlar» atty derekti fılminiń tusaýkeser rásimi ótti. Respýblıkamyzdyń munaı salasyndaǵy ardagerlerine arnalǵan fılm úsh bólimnen turady. Fılmde otandyq munaı salasynyń damýy, ardagerlerdiń sýyq klımattyq jaǵdaılarda aıanbaı eńbek etkenderi týraly kórsetilgen.
2009 jyly Pavlodarda oblystyń bilim salasynyń úzdik qyzmetkerleri tanystyrylǵan «Altyn qor» jınaǵy jaryq kórdi. Basylymǵa eren eńbegi úshin joǵary kásibı baǵa alǵan úzdik muǵalimderdiń aty-jónderi engizilgen.
2010 jyly Jalpyǵa birdeı kásipodaqtar konfederatsııasy tóralqasynyń sheshimimen Nursultan Nazarbaev TMD Jalpyǵa birdeı kásipodaqtar konfederatsııasynyń joǵary nagradasy - Kásipodaqtar qozǵalysyna qosqan úlesi úshin Altyn belgimen marapattaldy.
2011 jyly Almaty qalasynyń tarıh mýzeıinde qazaqtyń tuńǵysh ǵaryshkeri Toqtar Áýbákirovtiń ǵaryshqa ushýynyń 20 jyldyǵyna arnalǵan kórme ashyldy.
2012 jyly Memleket basshysy Nursultan Nazarbaevtyń Jarlyǵymen Qazaqstan Respýblıkasynyń Prezıdenti janyndaǵy respýblıkalyq «Ortalyq kommýnıkatsııalar qyzmeti» RMM quryldy.
2013 jyly «Kókshetaý» Mádenıet saraıynda Abylaı hannyń 300 jyldyǵyna arnalǵan «Abylaı han jáne onyń tarıhı dáýiri» halyqaralyq ǵylymı-praktıkalyq konferentsııasy ótti.
2015 jyly Almatyda «Ǵasyrlar sazy» folklorlyq-etnografııalyq ansamblderdiń ІІ halyqaralyq dástúrli mýzyka festıval-baıqaýy ótti. Festıval-baıqaýǵa Qazaqstannyń barlyq óńirlerinen, sondaı-aq Qyrǵyzstan, Ózbekstan, Túrkııa, Bashqurtstannan 40-tan astam folklorlyq-etnografııalyq ansambl qatysty.
2016 jyly Otandyq rejısser Aqan Sataevtyń «Anaǵa aparar jol» dramasy «Eýrazııa kópiri» kınofestıvalinde «Gran-prıdi» jeńip aldy. Negizgi júldeden bólek fılm taǵy bir marapatqa ıe boldy. «Úzdik áıel adam róli» nomınatsııasy boıynsha basty keıipkerdiń anasynyń rólin somdaǵan Altynaı Nógerbek úzdik dep tanyldy. Buǵan deıin aktrısa osy ról úshin ulttyq «Tulpar» júldesin ıelengen bolatyn.
2017 jyly Slovenııada jetinshi ret ótken «2017- Lıýblıana» forýmynda «Smart Almaty» jobasy eń úzdik dep tanylyp, Ońtústik-Shyǵys Eýropa elderiniń arasynda «Qalalardyń bolashaǵy» nomınatsııasy boıynsha ekinshi oryn aldy.
1921 jyly Londonda jazýshylardyń halyqaralyq birlestiginiń (PEN-klýb) negizi qalandy.