5 qarashada Nur-Sultan men Almatyda ótetin mańyzdy sharalar ańdatpasy
NUR-SULTAN
10.00-de Senattyń kezekti otyrysy bolady. Palata otyrysy https://senate.parlam.kz saıtynda onlaın rejımde kórsetiledi.
10.30-da Zoom platformasynda Halyqaralyq advokattar qaýymdastyǵy, Quqyq qorǵaýshylar qaýipsizdigi men quqyqtaryn qorǵaý koalıtsııasy, sondaı-aq birqatar qazaqstandyq zańgerlerdiń qatysýymen advokattar men memlekettik organdardyń ókilderi arasynda dıalog ótedi.
11.00 -de Nur-Sultan qalasy ákimdiginiń baspasóz ortalyǵynda: «Oqý jylynyń birinshi toqsanynyń qorytyndylary» taqyrybynda onlaın brıfıng ótedi. Tikeleı efır ákimdiktiń Facebook-paraqshasynda bolady.
11.00-de Qoı saýýǵa arnalǵan jyljymaly keshen júıesin (TIKA) Túrkııanyń Yntymaqtastyq jáne úılestirý agenttigi S.Seıfýllın atyndaǵy Qazaq agrotehnıkalyq ýnıversıteti bazasyna ǵylymı negizde usynady. Mundaı keshen Ortalyq Azııa, onyń ishinde Qazaqstanǵa alǵash ret jetkizilip otyr.
12.00-de Elorda ákimdiginiń baspasóz ortalyǵynda «Nur-Sultan qalasynda koronavırýs ınfektsııasynyń aldyn alý sharalary boıynsha esep jáne karantın rejıminiń saqtalýyn baqylaıtyn monıtorıng tobynyń jumysy» taqyrybynda onlaın brıfıng ótedi. Tikeleı efır ákimdiktiń Facebook-paraqshasynda bolady.
12.30-da Ortalyq kommýnıkatsııalar qyzmetinde «Jańa jaǵdaıdaǵy jastar: is-áreket kezeńi» jobasynyń bastalýy týraly baspasóz konferentsııasy ótedi. Spıker: QR AQDM jastar jáne otbasy isteri komıtetiniń tóraǵasy Shahmardan Baımanov, «Qazaqstan jastarynyń Kongresi» ZTB atqarýshy dırektory« Tohtar Bolysov.
15.00-de «Rýhanı jańǵyrý« qazaqstandyq qoǵamdyq damý ınstıtýty» KEAQ ǵımaratynda «Atamnyn Amanaty» qoǵamdyq birlestiginiń «Jyly júrek» belgisimen marapattaý rásimi ótedi.
15.00-de Nur-Sultan qalasy máslıhatynyń májilis zalynda elorda máslıhatynyń qurylys, ekologııa, kólik, saýda jáne turǵyn úı-kommýnaldyq sharýashylyq máseleleri jónindegi turaqty komıssııasynyń otyrysy ótedi.
16.00-de «Astana Balet» teatrynda Anvara Sadyqova qoıǵan «Jeltorańǵy týraly ańyz» baletiniń premerasyna oraı baspasóz jıyny ótedi.
ALMATY
11.00-de «Kazzhol Park Almaty» qonaq úıindegi «Emba» zalynda dinniń ózekti máseleleri boıynsha úzdik materıal jazǵan jýrnalıster arasyndaǵy baıqaý jeńimpazdaryn marapattaý rásimi ótedi.
15.00-de Qazaqstan boks federatsııasynyń prezıdenti Keńes Raqyshevtiń qatysýymen Almaty boks federatsııasynyń kezekten tys konferentsııasy ótedi. Jýrnalısterge bokstan aldaǵy ulttyq chempıonattan ne kútýge bolatyny týraly aıtylady (erler men áıelder arasyndaǵy alǵashqy qurama chempıonat Shymkentte 23-29 qarasha aralyǵynda ótedi).