5 qarashada qandaı joldar jabyldy

ASTANA. KAZINFORM – «QazAvtoJol» ulttyq kompanııasy joldaǵy qazirgi jaǵdaı týraly aqparat berdi.

5 qarashadaǵy jaǵdaı boıynsha kólik qozǵalysy birneshe óńirde shektelgen.

Shyǵys Qazaqstan oblysynda saǵat 08:00-den bastap tirkemesi bar jáne jartylaı tirkemeli júk kólikteriniń qozǵalysyna Osınovskıı asýynda ýaqytsha shekteý engizildi. Shekteý «Óskemen — Altaı — Katonqaraǵaı — Rahman qaınary» avtojolynyń 46–66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.

Bul shara taýly jerde jol qaýipsizdigin qamtamasyz etý maqsatynda qabyldanyp, qys maýsymy aıaqtalǵanǵa deıin saqtalady.

Túrkistan oblysynda A-15 avtojolynyń («Djızak — Gagarın — Jetisaı — Kırov — Qyzylásker — Saryaǵash — Abaı — Jibek joly») 175-183-shaqyrymyndaǵy, Keles aýdany aýmaǵyndaǵy ýchaskede jóndeý jumystary júrgizilip jatyr. Kólik kóptigine baılanysty bul jerde 10 qarashaǵa deıin ýaqytsha shekteý engizilgen.

Aýa raıy

5 qarasha kúni Qostanaı, Almaty, Aqmola, Shyǵys Qazaqstan, Jambyl, Soltústik Qazaqstan, Aqtóbe jáne Pavlodar oblystarynda, sondaı-aq Jetisý oblysynda jańbyr men qar jaýyp, keı jerlerde kóktaıǵaq bolady.

Júrgizýshilerge jolda abaı bolyp, jyldamdyqty asyrmaýǵa jáne aýa raıynyń qolaısyzdyǵyn eskerýge keńes berildi.

Aıta keteıik, Almatyda túnde jaýǵan qardan keıin 17 jol apaty tirkeldi.