5 qarashada álemdik munaı baǵasy tómendedi
ALMATY. KAZINFORM — Beısenbi kúni álemdik munaı baǵasy tómendeýin jalǵastyrdy.
Tańerteńgi saýda qorytyndysy boıynsha WTI markaly munaı fıýchersteriniń baǵasy 1,24 dollarǵa nemese 1,41%-ǵa tómendep, barreline 86,88 dollar boldy.
Oilprice.com málimetinshe, Brent markaly munaı 0,89 dollarǵa nemese 0,94%-ǵa arzandap, barreline 93,73 dollar boldy.
Al reseılik Urals markaly munaıdyń baǵasy kerisinshe 1,13 dollarǵa nemese 1,24%-ǵa ósip, barreline 92,16 dollarǵa jetti.
Munaı baǵasynyń tómendeýine AQSh-taǵy aralyq saılaýdyń aıaqtalýy jáne Taıaý Shyǵystaǵy qaqtyǵystyń toqtaýy múmkin degen úmit áser etti. NBC News boljamynsha, Demokratııalyq partııa AQSh Kongresiniń Ókilder palatasy men Senatyndaǵy basymdyqqa ıe bolady.
Buǵan deıin Qytaıdyń Iran jáne Saýd Arabııasymen Ormýz buǵazyn ashý máselesin talqylap jatqany habarlanǵan edi. Taraptar halyqaralyq energetıkalyq resýrstar jetkizilimin qamtamasyz etý jáne jahandyq qaýipsizdikti saqtaý úshin Taıaý Shyǵystaǵy turaqtylyqtyń mańyzyn atap ótti.
Eske salsaq, 4 qarashada Urals munaıy bir kúnde 10 dollarǵa arzandaǵan edi.
