Qyzylorda oblysynda bıylǵy jyldyń toǵyz aıynda jol apaty 39,1 paıyzǵa ósken
QYZYLORDA. KAZINFORM - Qyzylorda oblysynda bıylǵy jyldyń toǵyz aıynda jol apaty 39,1, odan jaraqat alǵandar 41,6 paıyzǵa ósken.
Oblysta jol qozǵalysy qaýipsizdigin qamtamasyz etý ózekti máselege aınalyp otyr. Toǵyz aıdyń ishinde jol apatynan mert bolǵandar sany 15,6 paıyzǵa tómendegen.
«Soǵan qaramastan jol apaty 39,1, odan jaraqat alǵandar 41,6 paıyzǵa ósken. Taldaý barysynda jol-kólik oqıǵalary ósýiniń basty sebebi retinde jol qozǵalysyna qatysýshylardyń tártip saqtamaýyn atap aıtýǵa bolady. Sondaı-aq «Batys Qytaı-Batys Eýropa» tasjolynyń Qyzylorda men Aqtóbe qalalary arasyndaǵy 566 shaqyrym táýligine 9 myń avtokólik júrip ótedi. Degenmen respýblıkalyq mańyzy bar tasjoly 2-kategorııa retinde bekitilgen. Sońǵy bes jylda tirkelgen kólik quraldarynyń sany ósip keledi», - deıdi Qyzylorda oblysy polıtsııa departamentiniń jergilikti polıtsııa qyzmeti basqarmasynyń bastyǵy Erdaýlet Jaýkeev.
Vedomstvo málimetinshe, respýblıkalyq mańyzy bar tasjolda toǵyz aıdaǵy 99 jol apatyna úı janýarlary sebep bolǵan. Saldarynan eki adam mert bolyp, 14 adam ártúrli dene jaraqatyn alǵan.
Eske salsaq, budan buryn Qyzylordada ózgeniń kóligin satyp jibergen adam ustaldy.
