5 qarasha. Týǵan kún ıeleri
ESІMDER
58 jyl buryn (1960) Atyraý oblysy ákiminiń birinshi orynbasary - Saǵyndyq Esenǵalıuly LUQPANOV dúnıege keldi.
1983 jyly Gýrev temirjol kóligi tehnıkýmyn, 1996 jyly Qazaq memlekettik basqarý akademııasy janyndaǵy naryq ınstıtýtyn bitirgen. Eńbek jolyn Mańǵyshylaq belgi berý jáne baılanys dıstantsııasynda elektromonter bolyp bastap, keıin elektromehanık, aǵa ınjener, óndiris ýchaskesiniń bastyǵy, dıstantsııa bastyǵynyń orynbasary qyzmetterin atqarǵan. 1991 jyly Gýrev belgi berý jáne baılanys dıstantsııasynyń basshysy, 1999 jyly Aqjaıyq Bas belgi berý jáne baılanys dıstantsııasynyń dırektory bolyp taǵaıyndalǵan. 2002 jyly Magıstraldy temirjol jelisi Atyraý bólimshesiniń dırektory, 2007 jyly «Qazaqstan temir joly» ulttyq kompanııasy» aktsıonerlik qoǵamy magıstraldy temirjol jelisiniń bas ınjeneri bolyp qyzmet atqardy. 2007 - 2010 jyldary «Kaspıı» áleýmettik-kásipkerlik korporatsııasy» ulttyq kompanııasy» aktsıonerlik qoǵamy Atyraý oblysy boıynsha ókildiginiń dırektory, keıin basqarma tóraǵasynyń orynbasary, basqarma tóraǵasy boldy. 2012 jyldyń qańtarynan Atyraý oblystyq máslıhatynyń hatshysy qyzmetin atqardy.
2017 jyldyń shilde aıynan bastap qazirgi qyzmetinde.
«Qurmetti temirjolshy» tósbelgisine ıe, «Qurmet» ordenimen marapattalǵan.
54 jyl buryn (1964) Qazaqstan kınematografshylar odaǵynyń múshesi Gúlnar Abdýllaqyzy DOSMATOVA dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetin bitirgen. 1985 jyldan «Qazaqfılm» kınostýdııasynyń aktrısasy.
Kınodaǵy alǵashqy eleýli roli - «Daladaǵy qýǵyn» fılmindegi Áıgerim. 20-dan astam fılmge túsken. Olardyń ishinde «Jeńimpaz», «Merekeniń úsh kúni», «Kardıogramma», «Adam taǵdyry», otandyq teleserıal «Toǵysqan taǵdyrlar», jáne t.b.
«Adamdyq taǵdyr» fılmindegi roli úshin 1985 jyly Mınskide (Belarýs) ótken Búkilodaqtyq kınofestıvalda «Eń úzdik áıel beınesi» júldesin ıelengen. 2000 jyly «Jyl tańdaýy» baıqaýynda «Jyldyń úzdik aktrısasy» atandy.
46 jyl buryn (1972) Soltústik Qazaqstan oblysy Ǵabıt Músirepov aýdanynyń ákimi Bolat Serikuly JUMABEKOV dúnıege keldi.
Kókshetaý oblysynda týǵan. Aqmola aýyl sharýashylyǵy ınstıtýtyn, M.Qozybaev atyndaǵy Soltústik Qazaqstan memlekettik ýnıversıtetin bitirgen.
Eńbek jolyn SQO Tımırıazev aýdanynda sharýa qojalyǵynyń agronomy bolyp bastady. 1999-2007 jyldary - aýdandyq jer resýrstaryn basqarý aýdandyq komıtetiniń tóraǵasy, aýdandyq aýyl sharýashylyǵy bóliminiń bastyǵy. 2007-2009 jyldary - SQO Tımırıazev aýdanynyń ákimi. 2009-2011 jyldary - SQO ákimi apparatynyń jetekshisi. 2011-2012 jyldary - Soltústik Qazaqstan oblysy ákiminiń orynbasary. 2012-2013 jyldary - Petropavl qalasynyń ákimi. 2014 jylǵy aqpan-tamyz aılarynda - «JELS-ASTANA» JShS kommertsııalyq dırektory. 2014-2018 jyldary SQO Qyzyljar aýdanynyń ákimi bolǵan.
Qazirgi qyzmetinde - 2018 jyldyń qańtarynan.
31 jyl buryn (1987) Batys Qazaqstan oblysy ákiminiń apparat basshysy ISAQULOV Rahymjan Erjanuly dúnıege keldi.
«Bolashaq» baǵdarlamasymen Roıal Holloveı London ýnıversıtetin «ekonomıka jáne menedjment bakalavry» mamandyǵy boıynsha támamdaǵan. Jas kóshbasshylar baǵdarlamasy aıasynda Japonııa úkimetiniń granty negizinde Saıası zertteýler ulttyq ınstıtýtynyń «memlekettik basqarý magıstri» mamandyǵynda oqydy. QR Prezıdenti Ákimshiliginde ártúrli laýazymdarda boldy. QR Prezıdenti Ákimshiligi memlekettik baqylaý jáne aýmaqtyq-uıymdastyrý jumysy bóliminde memlekettik ınspektor qyzmetin atqardy.
Qazirgi qyzmetinde - 2018 jyldyń qyrkúıeginen.