5 qarasha kúni Qazaqstanda ótetin mańyzdy sharalarǵa sholý

NUR-SULTAN

Saǵat 09.00-de «Park Inn by Radisson» qonaq úıinde Qazaqstandaǵy plastık qaldyqtaryn jınaý jáne óńdeý taqyrybynda dóńgelek ústel ótedi.

Saǵat 09.30-da «Rixos President Astana» qonaq úıinde III Halyqaralyq «KazOil 2019» konferentsııasy ótedi.

Saǵat 11.00-de Qazaqstan Respýblıkasynyń Syrtqy ister mınıstrliginde Nur-Sultan qalasynyń Balalar kórkemsýret mektebi – ıÝNESKO klýbynyń, Bilim basqarmasy men Halyqaralyq sýretshi-pedagogtardyń Qazaqstandaǵy Ókilettiginiń uıymdastyrýymen «Qazaqstan álem balalarynyń kózimen» atty halyqaralyq sýret baıqaýynyń qorytyndysyn jarııalanady.

Saǵat 11.00-de Turan ýnıversıteti «Turan Lingua» medıa-lıngvıstıka problemalar zerthanasymen birge tildik qaýipsizdik máselelerin sheshýdiń jańa kezeńi sanalatyn turanlingua.com resýrsyn usynady.

Saǵat 15.00-de Nur-Sultan qalasynda QR Prezıdenti janyndaǵy Memlekettik basqarý akademııasynda (Abaı dańǵyly, 33a) Qazaqstan halqy Assambleıasy Azııadaǵy ózara senim sharalary keńesi (AÓSShK) ulttyq-mádenı ortalyqtarynyń «AÓSShK keńistigindegi azamattyq qoǵam: jaı-kúıi jáne damýy» azamattyq forýmyn ótkizedi.

Saǵat 16.00-de Qazaqstan Respýblıkasynyń Ulttyq muraǵatynda Halyq qaharmany, Qazaqstan Respýblıkasy Parlamenti Májilisiniń depýtaty, general-leıtenant Baqytjan Ertaevtyń erlik jolyna arnalǵan «Batyrdyń baıandy ǵumyry» atty dóńgelek ústel ótedi.

Saǵat 16.00-de elordalyq Dostyq úıinde (B. Momyshuly dańǵyly, 24/9) Jastar jyly jáne «Rýhanı jańǵyrý» baǵdarlamasy aıasynda Nur-Sultan qalasy Qazaqstan halqy Assambleıasynyń uıymdastyrýymen «Til - dostyqtyń altyn kópiri» atty baıqaý ótedi.

ALMATY

Saǵat 10.00-de turǵyn úıdiń qasbetin jylytý úshin jóndeý kezinde zardap shekken áıgili «Álemderdi baılanystyrý» monýmentine baspasóz týry ótedi. Baspasóz týry aıasynda qalanyń eń jarqyn kórinisterin qosatyn baǵdar boıymen saıahattaý josparlanyp otyr.

Saǵat 11.00-de «Qazjol» qonaq úıinde Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy Sý jónindegi memleketaralyq úılestirý komıssııasynyń 77-otyrysy ótedi. Qazaqstandyq delegatsııany Qazaqstan Respýblıkasy Ekologııa, geologııa jáne tabıǵı resýrstar vıtse-mınıstri S. Gromov basqarady.

Saǵat 14.30-da «Interfaks-Qazaqstan» agenttiginiń baspasóz ortalyǵynda Dúnıejúzilik JITS-ke qarsy kúres kúnine arnalǵan baspasóz konferentsııasy ótedi. Baspasóz konferentsııasyna Qazaq dermatologııa jáne juqpaly aýrýlar ǵylymı ortalyǵynyń dırektory Baýyrjan Baıserkın, ıÝNEIDS Qazaqstan Respýblıkasyndaǵy keńsesiniń dırektory Aleksandr Golısov jáne basqalar qatysady.

Saǵat 16.00-de Qazaqstan Respýblıkasynyń Ulttyq kitaphanasynda aqyn, jazýshy, psıholog jáne stsenarıst Karına Sarsenovanyń 3 kitabynyń tusaýkeseri ótedi.

Saǵat 18.00-de Qazaqstanda 2019 Eýropalyq kınofestıvaliniń ashylýy bolady. Bıyl kıno salasyndaǵy bedeldi halyqaralyq syılyqtardy jeńip alǵan Eýropalyq Odaq elderiniń 16 fılmi usynylady. Ashylý saltanatyna 5 qarashada Eýropalyq Odaqtyń Qazaqstandaǵy elshisi Sven-Olov Karlsson, rejısser Renars Vımba (Latvııa), rejısser Karolın Tırıon (Belgııa), Anna Lodısýa («Mbýdha» fılminiń basty keıipkeri) qatysady. Ótetin orny: Chaplin kınoteatry, Mega Park saýda ortalyǵy.